​ Батлан хамгаалахын сайд Г.Сайханбаяр Азийн аюулгүй байдлын “Шангри-Ла 2022” дээд түвшний уулзалтад оролцлоо

Н.Мижидмаа
2022/07/06

 Батлан хамгаалахын сайд Г.Сайханбаяр Бүгд Найрамдах Сингапур Улсад зохион байгуулагдсан Ази, Номхон далайн бүс нутгийн аюулгүй байдлын “Шангри-Ла 2022” дээд түвшний уулзалтад оролцжээ. Бүс нутаг, олон улсын аюулгүй байдлын судалгаа хийдэг Олон улсын стратегийн судалгааны хүрээлэн Бүгд Найрамдах Сингапур Улсын Засгийн газартай хамтарч “Шангри-Ла яриа хэлэлцээ” Батлан хамгаалахын сайд нарын дээд түвшний уулзалтыг 2002 оноос эхлэн жил бүр зохион байгуулж ирсэн. 

“Шангри-Ла яриа хэлэлцээ” нь бүс нутгийн орнуудын цэргийн өндөр, дээд удирдлагуудыг нэгтгэж,  бүс нутгийн аюулгүй байдлын тулгамдсан асуудал, сорилтуудыг хэлэлцэж тэдгээрийг даван туулах, шийдвэрлэх үр дүнтэй арга замыг эрэлхийлэх, нэгдсэн ойлголтод хүрэх, хамтын бодлогоо тодорхойлох, хамтын ажиллагааг бэхжүүлэх олон талт аюулгүй байдлын хамтын ажиллагааны чухал индэр болоод байна. 

Тэрбээр “Шангри-Ла 2022” дээд түвшний уулзалтанд оролцох үеэрээ БНХАУ-ын Батлан хамгаалахын сайд, хурандаа генерал Вэй Фөн Хэ, Японы батлан хамгаалахын сайд Нобуо Киши, БНСУ-ын батлан хамгаалахын сайд Ли Жун Соб, Канадын батлан хамгаалахын сайд хатагтай Анита Ананд, Вьетнамын батлан хамгаалахын сайд Фан Ван, Филиппиний батлан хамгаалахын сайд Дельфин Лорензана, Сингапурын батлан хамгаалахын төрийн ахлах сайд Хэн Чи Хоу нартай хоёр талын уулзалт хийж, тухайн улстай байгуулсан хэлэлцээр болон бусад хамтын ажиллагааны гэрээ, эрх зүйн баримт бичгүүдийн хэрэгжилт, батлан хамгаалах салбарын хамтын ажиллагааны хүрсэн түвшинг дүгнэхийн зэрэгцээ өнөөгийн байдлын талаар санал солилцсон байна.

ОУССХ-ээс Ази, Номхон далайн бүс нутгийн аюулгүй байдлын асуудлаар 2002 оноос жил бүр зохион байгуулж ирсэн “Шангри-Ла” дээд түвшний уулзалт сүүлийн хоёр жилийн хугацаанд “Ковид-19” цар тахлын улмаас тасарсан юм. Энэ жилийн уулзалтад гадаадын 59 орны Батлан хамгаалахын сайд, дэд сайд, гадаад хэргийн дэд сайд, Зэвсэгт хүчний жанжин штабын дарга нар, олон улсын аюулгүй байдлын судлаач, шинжээчид, төрийн бус байгууллагын ажилтан зэрэг нийт 600 гаруй төлөөлөгч оролцсон аж.



0
angry
0
care
0
haha
2
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Арилжааны 9 банкинд торгох шийтгэл ногдууллаа 2022/08/12
Samsung Galaxy Z Flip4 болон Galaxy Z Fold4 утсууд нь ухаалаг утасны зах зээлийн хэвшмэл байдлыг үүрд өөрчиллөө 2022/08/12
2022 оны ЭЕШ-ын дүнгээр тэргүүлсэн сургуулиуд 2022/08/12
ЭМГЭНЭЛ 2022/08/12
Малчин цэрэг мориноос унаж, хүнд гэмтэл аван ГССҮТ-д нисдэг тэргээр хүргэгдлээ 2022/08/12
Л.Оюун-Эрдэнэ: Хөшигийн хөндийд шинэ хот цогцлоох их бүтээн байгуулалтын инженерийн дэд бүтцийн ажлыг эхлүүлж байна 2022/08/12
Эрэн хайж байсан 13 настай Т-ийн цогцос Хорих 461-р анги орчмын тогтоол уснаас олджээ 2022/08/12
Нарангийн энгэр, Цагаан давааны хогийн цэгт 30 га газрыг нөхөн сэргээв 2022/08/12
Усны түвшин 5-10 см нэмэгдэж, олон жилийн дундаж түвшинг даван үерлэх хандлагатай байна 2022/08/12
УНТЭ 30 ажилтанд 30 сая төгрөгийн орон сууцны урьдчилгаа олгоно 2022/08/12
Mercedes болон Geely-ийн хамтарч бүтээсэн Smart цахилгаан автомашин 2022 онд олон улсад нээлтээ хийнэ 2022/08/12
Өнөөдөр “Олон улсын залуучуудын өдөр” 2022/08/12
Өчигдөр нийт 143 хүн эрүүлжүүлэгдэж, согтуугаар тээврийн хэрэгсэл жолоодсон 114 зөрчил илэрчээ 2022/08/12
Тэтгэлэгт хөтөлбөрөөр Цүкүбагийн их сургуульд суралцана 2022/08/12
Өнөөдрөөс Энхтайваны гүүрний зүүн талаас Махатма Гандийн гудамж хүртэлх замыг хаана 2022/08/12
Зарим нутгаар дуу цахилгаантай аадар бороо орно 2022/08/12
Эрүүл ирээдүйн төлөө "Colgate" брэнд Архангай аймгийн 700 гаруй хүүхдэд амны хөндийн үзлэг оношилгоог үнэ төлбөргүй хийлээ 2022/08/11
“Чухал амжилт” сургалтын төв мэргэжлийн ромбо, дипломтой төгсөх хагас жилийн ангидаа элсэлт авч эхэллээ 2022/08/11
Төрхүүг Нөмрөгийн Дархан цаазат газарт нь эргүүлэн тавилаа 2022/08/11
Хувийн цэцэрлэгүүдэд хамран сургах тойргийн нийт 10330 хүүхдийг нэмэлтээр элсүүлэн сургана 2022/08/11