О.Хангай: Түрүү бөхийн шагналаа Эх хүүхдийн эрүүл мэндийн төлөө зориулж байгаадаа баяртай байна

Тулгар төрийн 2230, 2231, Их Монгол Улсын 815, 816, Үндэсний эрх чөлөө, Тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Ардчилсан хувьсгалын 30, 31 жилийн ойн баяр наадамд 1024 бөх барилдаж улсын харцага О.Хангай түрүүлж, улсын харцага Б.Орхонбаяр үзүүрлэсэн юм.

Улсын баяр наадмын албан ёсны түншээр “Тоёота Сэйлс Монголиа” ХХК нь 9 дэх жилдээ ажиллаж, жил жилийн наадмын түрүү бөхийн бай шагналыг уламжлал болгон гардуулсаар иржээ.

Энэ удаад түрүү бөхийн шагналыг ЭХЭМҮТ-д зориулахаар болсон байна.

Тодруулбал, түрүү бөхийн нэрэмжит шагналаар улсын хэмжээнд үйл ажиллагаа явуулж буй Эх хүүхдийн эрүүл мэндийн үндэсний төвийн хүүхдийн зөвлөх поликлиникийн тасгийг тохижуулах аж.

МУ-ын аварга О.Хангай “Төрийн баяр наадамд түрүүлж, түрүү бөхийн бай шагналыг нийгмийн сайн сайхны төлөө, ялангуяа эх, хүүхдийн сайн сайхны төлөө зориулж байгаад баяртай байна” гэв.