Талийгаач цэргийн цогцсыг анх харж, дуудлага өгсөн гэрч юу ярив?

Өмнөговь аймагт байрлах Зэвсэгт хүчний 167-р ангийн хугацаат цэргийн алба хаагч 19 настай Н нь 2022 оны долоодугаар сарын 13 нд барилгын хажуунаас нас барсан байдалтай олджээ. Талийгаач Н-ыг наадмын өдөр буюу долоодугаар сарын 11-нд Хармагийн талбайд ажиллуулахаар нэгэн хувийн компани авч явсан байна. Ингэхдээ ангиас ажил хийлгэхээр гаргахдаа ямар нэгэн зөвшөөрөлгүйгээр штабын дарга нь гаргасан гэж ар гэрийнхэн нь мэдэгдлээ. Гуравхан сарын дараа халагдахаар хүлээж байсан хүүгийнхээ цогцсыг ачаад явж байгаадаа гомдолтой байгаагаа хэллээ.

Талийгаач цэргийн цогцсыг анх харж дуудлага өгсөн барилгын даамлаас мэдээллийг тодрууллаа.

Өмнөговь аймагт баригдаж буй өндөр цэнхэр барилгын хажуугаас талийгаачийн цогцос олдсон. Талийгаач яг хаанаас олдсон бэ? Ойр хавьд нь өөр хүн байсан уу?

-Бид нар холоос тойрч харчихаад, наадах чинь нэг л биш болчихсон байна гээд шууд цагдаа дуудаж өгсөн.

Ямархуу байдалтай байсан бэ?

-Саарал фодволктой, хар өмдтэй, гилжийчихсэн байсан. Манай хяналтын камер дээр бүх бичлэг нь байгаа. 

Цэргийн хувцастайгаа байгаагүй юу?

-Энгийн хувцастай байсан.

Та бүхэн хэзээ харсан юм бэ?

-13 нд өглөө 09 цагт ажилдаа ирэхэд  байсан. Камерын бичлэгээс харахад долдугаар сарын 11-12-нд шилжих шөнийн 01 цагийн үед хашааны завсраар орж ирж байсан бичлэг бий. 

Та нар мэдүүлэг тайлбар өгч байгаа юу?

-Өгсөн, бүгдийг нь л хэлсэн. 

Видеогоор үзэх: