Төр цэргүүдийнхээ хөдөлмөрийг шулаад зогсохгүй үхэлд хүргэдэг

Н.Мижидмаа
2022/07/15

Өмнөговь аймагт байрлах Зэвсэгт хүчний 167-р ангийн хугацаат цэргийн алба хаагч 19 настай Н нь 2022 оны долоодугаар сарын 13 нд барилгын хажуунаас нас барсан байдалтай олджээ. Талийгаач Н-ыг наадмын өдөр буюу долоодугаар сарын 11-нд Хармагийн талбайд ажиллуулахаар нэгэн хувийн компани авч явсан байна. Ингэхдээ ангиас ажил хийлгэхээр гаргахдаа ямар нэгэн зөвшөөрөлгүйгээр штабын дарга нь гаргасан гэж ар гэрийнхэн нь мэдэгдлээ. Гуравхан сарын дараа халагдахаар хүлээж байсан хүүгийнхээ цогцсыг ачаад явж байгаадаа гомдолтой байгаагаа хэллээ.

Бид энэхүү харамсалтай хэргийн талаар Зэвсэгт хүчний 167-р ангийн захирагч Х.Амаржаргалаас тодрууллаа.

Танай байлдагч цэргийн цогцос тэр харагдаж буй барилгын хажуугаас олдсон гэх мэдээлэл байна. Цэргийн ангидаа байж байх ёстой цэрэг яагаад тэр газарт очоод эндчихэв ээ? 

 -Үнэхээр харамсалтай асуудал гарсан. Цэргийн албан хаагч алба хаах үүргийнхээ дагуу алба үүргээ гүйцэтгээд байж  байх ёстой. Харамсалтай нь ангийн штабын дарга, дэд хурандаа н.Баяраа ангийн удирдлагад мэдэгдэлгүйгээр, зөвшөөрөлгүй хувийн аж ахуй нэгжийн хүнд талийгаач цэргийн албан хаагчийг зөвшөөрөлгүй ажилд гаргасан байна. Ийм үйлдлээс болж тухайн харамсалтай хэрэг гарсан байна. 

  Энэ сарын 11-нд тухайн хувийн аж ахуй нэгжид ажиллаж байсан юм уу? Ямар учраас 13-нд цогцос нь олдов. Танд энэ талаар мэдээлэл бий юу? 

 -Галтууд гэдэг хармаг тариалдаг аж ахуй нэгж байсан. Энэ газарт ажилласан гэдгийг үйл явдал болсны дараа мэдсэн. Одоо цагдаагийн байгууллагаас энэ хэрэг дээр ажиллаж байгаа. Ямар шалтгаанаас ийм харамсалтай хэрэг болсон нь тодорхойгүй байна. 

 Хэрэг гарсан барилгын 14 давхарт цагдаагийн алба хаагчид нэгжлэг хийхэд хутга олдсон байна. Ямар учиртай хутга юм, танай цэргийн ангид хутга, зэвсэгтэй байж болдог юм уу, алба хаагч хүний гарт амиа алдчихав уу? Өөр учир шалтгаан байна уу? 

-Тэрийг би хэлж мэдэхгүй. Энэ хутганы асуудал хоёр дахь шинжилгээгээр илэрсэн гэдгийг талийгаачийн ар гэрийнхэн надад хэлсэн. Цагдаагаас бол бидэнд мэдээлэл өгөөгүй.

  Цэргийн ангидаа байж байх ёстой алба хаагч ажил хийж яваад амиа алдчихлаа. Энэ асуудалд хэн хариуцлага хүлээх вэ? Та юу, эсвэл штабын дарга н.Баяраа юу? 

-Бид мэдээж хууль журмын дагуу шалгагдана. одоо захиргааны шалгалт хийгдэнэ. Шат шатандаа хууль ном, дүрмийнхээ дагуу хариуцлага хүлээнэ.

Энэ асуудал анхных биш шүү дээ. Танай цэргийн ангийнхан ардын хүүхдүүдийг гар хөлийнхөө үзүүрт байнга зардаг. Хувийн компаниудад зараад өөрсдөө мөнгийг нь авдаг, тэр байтугай танай цэргийн ангийн дарга энд дугуй засвартай. Тэндээ цэргүүдийг ажиллуулаад байж байдаг гээд олон мэдээллүүд байдаг. Та бүхэн ардын хүүхдийг эх орноо мануулна гэчихээд гар хөлийн үзүүрт зараад байдаг юм уу?

-Би ёстой тэр талаар мэдээлэл байдаггүй. 

Танай цэргүүд үнэхээр ажил хийдэггүй гэж үү?

-Мэдээж улс орныхоо бүтээн байгуулалтад тушаал шийдвэрээр ажиллана. 

Хувийн компанид ажиллаж болох юм уу?

-Гэрээ хийгээд ажиллаж болно.

Мөнгийг нь хэн авдаг юм?

-Ангийнхаа дотоод засварт тодорхой ажил хийгддэг. 

Уучлаарай хурандаа, татвар төлөгчид мөнгө төлөөд цэргийн ангиуд руу ч төсвөөс мөнгийг нь хуваарилдаг. Гэтэл яагаад хүний хүүхдүүдийг зараад, ажил хийгээд олсон мөнгөөрөө анги засах ёстой гэж?

-Засах биш л дээ, цэргийн алба хаагчдынхаа ахуй нөхцөл, үйл ажиллагааг сайжруулахад мөнгө олдог. Бусдаар бизнесээр мөнгө олох гэж явуулдаггүй. 

Та өөрийнхөө эрх хэмжээнд хариуцлага тооцох уу? Одоо н.Баяраа гэдэг хүн нь хаана байгаа вэ?

-Мэдээж би өөртөө хариуцлага тооцох боломжгүй, дээд удирдлагууд хариуцлага тооцно. н.Баярааг цагдаагаас шалгаж байгаа.

Та хариуцлага хүлээх үү?

-Би хариуцлага хүлээхэд бэлэн.

Талийгаачийг өмнө нь тоосгоны үйлдвэрт ажиллуулсан гэсэн. Ингээд хоёр дахь удаагаа ажиллаад амиа алдчихлаа. 

-Тоосгоны үйлдвэр лүү тушаалаар ажилласан.

Мөнгийг нь хэн авсан юм? 

-Ангийн дансанд орсон. Бага хэмжээний үйл ажиллагаанд зарцуулагдсан.

Хүний хүүхдийг ажил хийлгэчихээд мөнгийг нь өөрөө авчихдаг юм уу? ар гэрийнхэнд ч юм уу? өөрт нь өгөөгүй юм уу?

-Би аваагүй. Одоо энэ хэрэг цагдаад шалгагдаж байгаа.

Алба хаагч ямархуу хүү байсан бэ?

-Зөрчил дутагдалгүй, төлөв даруу хүү байсан.

Видеогоор үзэх:


16
angry
3
care
0
haha
0
liked
1
love
21
sad
2
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
Сэрэмжлүүлэг: Хяргас нуур, Айраг нуурын хоолойг бирвазаар гаталж байсан иргэн машинтайгаа ус руу унаж осолджээ 1 цагийн өмнө
Б.Соронзонболд: Бөх гэдэг залуу сайхан насны ид хаваа гайхуулдаг ажил 1 цагийн өмнө
Элсэлтийн Ерөнхий шалгалтын товыг зарлалаа 1 цагийн өмнө
Туул, Хэрлэн, Онон голын ус үерийн түвшнийг давжээ 3 цагийн өмнө
Зам засвартай холбоотойгоор зарим чиглэлд түр өөрчлөлт орлоо 3 цагийн өмнө
Баянхошуунд 260 айлын ногоон орон сууцны төсөл хэрэгжиж байна 4 цагийн өмнө
Өргөө кино театрын хойд уулзвараас ЭХЭМҮТ-ийн уулзвар хүртэлх авто замыг хааж, шинэчилнэ 5 цагийн өмнө
Санзайн замд 560 метр ус зайлуулах шугам угсарч байна 5 цагийн өмнө
Өнөөдөр шөнө Улаанбаатар хотод аадар үргэлжилж орно 5 цагийн өмнө
Хөвсгөл нууранд сэлэх гэж орсон гурван иргэн живж, амиа алджээ 6 цагийн өмнө
Сэлэнгэ аймгийн Хүдэр суманд ой, хээрийн түймэр гарч 15 га талбай өртжээ 6 цагийн өмнө
О.Алтангэрэл: Хоригдож байхдаа нас барсан иргэний гэр бүлд эмгэнэл илэрхийлье, буруутай албан тушаалтан, эрх мэдэлтнүүдэд хариуцлага хүлээлгэнэ 6 цагийн өмнө
ТЦА: Бичлэг дэх иргэн согтуу машин барьснаа хүлээн зөвшөөрсөн 7 цагийн өмнө
Анхааруулга: Хамарын хийдийн зам усанд автаж, эвдрээд байна 7 цагийн өмнө
Ерөнхий сайд Л.Оюун-Эрдэнэ 100 хоногт хэрэгжүүлэх ажлын албан даалгавар гаргалаа 7 цагийн өмнө
Улаанбаатарт 20 хэм дулаан, бороо орно 8 цагийн өмнө
Б.Мэргэн: Өнөрөөд төрийн нууц материал өгч задруулсан гээд байгаа гишүүнд хариуцлага тооц, ял өг 21 цагийн өмнө
Сэтгүүлчийг ялласан асуудлаар нээлттэй хэлэлцүүлэг хийе, гишүүд ээ 23 цагийн өмнө
​М.Алдартуяа: “Гэмт хэрэгтний хувийн мэдээллийг ил болголоо” гэж миний охиныг яллаж байгаад харамсч байна 23 цагийн өмнө
Гадны хэвлэлд: Монголын шүүх сэтгүүлчид маргаантай хэргээр ял оноов Өчигдөр