Сэрэмжлүүлэг: Туул голд 15 настай хүү осолдож, амиа алдлаа

Хан-Уул дүүрэг. 20 дугаар хороонд “Туул” голын салаанд 1 хүүхэд живсэн гэсэн дуудлагыг 15:33 цагт хүлээн авсан.

Нийслэлийн аврах ангийн алба хаагчид 10 км замыг туулан 15:54 цагт очиж, 3 метрийн гүнд 4 удаагийн шумбалт хийж 16:00 цагт Хан-Уул дүүргийн харьяат Б /15 настай, эрэгтэй/-ын цогцсыг олж гарган Цагдаагийн байгууллагад шилжүүлэн өгсөн талаар ОБЕГ-аас мэдээллээ.

Нуур, голын ус үертэй байгаа тул иргэд та бүхнийг голын ай сав бараадан амарч, зугаалахдаа бага насны хүүхдүүдээ хараа хяналттай байлгахыг сэрэмжлүүлж байна.