Сүхбаатар аймаг 80 жилийнхээ ойд зориулан цагаан гантигаар 12,2 метрийн өндөртэй 180 тонн жинтэй Бурхан багшийн хөшөө босгож улмаар бурхан багшийн хөшөө бүхий цэцэрлэгт хүрээлэнг нэг тэрбум гаруй төгрөгөөр барьсан гэх мэдээлэл бий.
Уг асуудлаар Сүхбаатар аймгийн засаг дарга М.Идэрбатаас тодрууллаа.
Бурхан багшийн хөшөө хэдэн төгрөгөөр, хаанаас төсөвлөж баригдсан бэ, нэг тэрбум төгрөгөөр баригдсан гэх мэдээлэл байна?
-Хэдэн төгрөгөөр энэ хөшөө боссоныг мэдэхгүй. Улаанбаатар хот дахь Сүхбаатар аймгийн иргэдийн нутгийн зөвлөлийн хандив, тусламжаар баригдсан. Гэхдээ энэ хөшөөг босгоход аймаг, орон нутгийн төсвөөс нэг ч төгрөг гаргаагүй, хэдэн төгрөгийн өртгөөр баригдсанг нь нутгийн зөвлөлийн хүмүүс мэднэ.
Эдийн засаг хямралтай байхад хандиваар байсан ч хөшөө босгосон нь олон нийтийн шүүмжлэлийг хүлээж байна шүү дээ. Энэ мөнгөө арай өөр зүйлд зарцуулж болоогүй юу?
-Би хүмүүсийн халааснаас гарсан мөнгийг юунд зарцуулахыг мэдэхгүй шүү дээ. Энэ ажилд Аймгийн Засаг даргын тамгын газар огт оролцоогүй.
Сэтгэгдэл (0)
Сэтгэгдэл бичигдээгүй байна