О.Хангай: Үнэн худал нь мэдэгдэхгүй хов, живээр бөхийн нэр хүндэд халдахаа болино уу

Энэ жилийн Үндэсний баяр наадмын тавын даваанд улсын заан Н.Жаргалбаяр Өмнөговь аймгийн Засаг даргын орлогч Н.Энхбаттай утсаар ярихдаа цолны найраа хийсэн байж болзошгүй бичлэг олон нийтэд цацагдсан. Тодруулбал, бичлэгт: "-Жаргалбаяр уу?

-Тийм байна.  Өмнөговийн Засаг даргын орлогч байна. Чи манай Нямааг авчих  -Хэд юм? “Чи тоогоо хэл" хэмээн ярьж буй нь бичигдсэн байдаг. 

Харин үүний дараахан улсын заан Н.Жаргалбаяр нь Өмнөговь аймгийн арслан Э.Нямааг амлан авч барилдан, унаснаар начин цолтон нэгээр нэмэгдсэн билээ.  Тэгвэл уг асуудлаар АТГ-аас нэр бүхий бөхчүүдийг дуудаж тайлбар мэдүүлэг авч байна гэх мэдээлэл бий. Улсын аварга О.Хангай уг асуудлын талаар үзэл бодлоо илэрхийлсэн сэтгүүлч Н.Өнөрцэцэгийн мэдээллийн дор мөн байр сууриа илэрхийлжээ. Тэрбээр “Хүмүүсээс сонссон үнэн худал нь мэдэгдэхгүй хов, живээр бөхийн нэр хүндэд халдахаа болино уу?” гэжээ.