Өмнөговь аймгийн Засаг даргын орлогч Н.Энхбатыг АТГ-аас хэрэг бүртгэлтийн хэрэг нээн шалгаж байна

Энэ жилийн Үндэсний баяр наадмын тавын даваанд улсын заан Н.Жаргалбаяр Өмнөговь аймгийн Засаг даргын орлогч Н.Энхбаттай утсаар ярихдаа цолны найраа хийсэн байж болзошгүй бичлэг олон нийтэд цацагдсан. Тодруулбал, бичлэгт: "-Жаргалбаяр уу?

-Тийм байна.  Өмнөговийн Засаг даргын орлогч байна. Чи манай Нямааг авчих  -Хэд юм? “Чи тоогоо хэл" хэмээн ярьж буй нь бичигдсэн байдаг. 

Харин үүний дараахан улсын заан Н.Жаргалбаяр нь Өмнөговь аймгийн арслан Э.Нямааг амлан авч барилдан, унаснаар начин цолтон нэгээр нэмэгдсэн билээ.  Тэгвэл уг асуудлаар АТГ-аас Өмнөговь аймгийн Засаг даргын орлогч Н.Энхбатад хэрэг бүртгэлтийн хэрэг нээн шалгаж байгаа аж.