Хүүгийн аав: Хүү маань машинд дайруулж хүнд гэмтсэн байхад авто дүгнэлт нь “харгалзах хүнгүй” зам гарсан гэх үндэслэлээр манай хүүг буруутгасан

Авто ослоор 10 настай хүүгийн эрүүл мэндийг хохироосон нэгэн сурвалжилгыг бэлтгэн хүргэж байна. 10 настай хүү тавдугаар сард Гачууртад  зам гарч явахдаа автомашинд дайруулж хүүгийн хөл хүнд гэмтсэн юм. Аавынх нь хэлснээр хүүг дайрчихаад хөл дээр нь хаз гишгэж явсан талаар ярьж байгаа юм.

Хүүгийн шүүх шинжилгээний хариу хүнд зэрэг гэж гарсан бол авто шинжилгээний дүгнэлт нь харгалзах хүнгүй зам гарсанд нь буруутгасан утга бүхий дүгнэлт гарчээ. 

Хүү минь осолд орсноос хойш манай гэрийн амьдрал хөмөряихсөн юм шиг л санагдаж байна хэмээн аав нь дахин дахин ярина. Аавынх нь бухимдаж буй асуудал зам гарахаар явж байсан хүүг нь дайрч гэмтээчихээд байхад авто дүгнэлт нь хүүгийн буруу хэмээн гарсанд гомдолтой байгааагаа илэрхийлж байгаа юм. Аавынх нь зүгээс уг асуудалд сайн дураараа хэргийг нь өмгөөлөх өмгөөлөгч нарыг туслалцаа үзүүлэхийг хүсч байгаа юм.