Бичил уурхайд алт олборлож байсан 37 настай иргэн шороонд даруулж, амиа алджээ

 Сэлэнгэ аймаг, Хүдэр сум. Баянцагаан багийн “16-ын даваа” гэдэг газар /аймгийн төвөөс зүүн урд зүгт 168 км, сумын төвөөс зүүн урд зүгт 126 км/-т бичил уурхайд алт олборлож байсан иргэн  шороонд даруулж нас барсан тухай дуудлагыг сумын Цагдаагийн хэсгээс 07.28-ны өдрийн 19:35 цагт хүлээн авсан.

Тус аймгийн Онцгой байдлын газрын Хүдэр сум дахь Эрэн хайх, аврах салбарын алба хаагчид 26 км замыг туулан 22:15 цагт очиж ашиглаж байгаад орхигдсон 4 м-ийн гүн цооногт /уурхайн зорилгоор ашиглаж байгаагүй/ гар аргаар хууль бусаар алт олборлож байсан иргэн /37 настай, эрэгтэй/ нь шороонд дарагдаж нас барсан байсныг 14 минут ажиллаж цогцсыг гарган Хүдэр сумын Цагдаагийн хэсгийн төлөөлөгчид шилжүүлэн өгсөн талаар ОБЕГ-аас мэдээллээ.