Монгол Улсын ЗГХЭГ-ын дарга Д.Амарбаясгалангаас цаг үеийн асуудлаар тодруулга мэдээлэл авлаа.
Энэ үеэр түүнээс Орос-Монголын хамтарсан гуравдугаар сургуулийн асуудалд Монгол Улсын Засгийн газрын байр суурийг тодруулахад тэрбээр "Монгол Улсын иргэн Үндсэн хуулиар олгогдсон үндсэн эрхээ бүрэн дүүрэн эдэлж мөн хамгаалуулах эрхтэй. Үндсэн хуульд "Үндэс угсаа, арьс өнгөөр хэн ч ялгаварлан гадуурхагддаггүй байх ёстой" гээд заачихсан. Гэвч өчигдөр Орос 3 дугаар сургуулийн Ж.Соронзон захирлын хийсэн мэдэгдэл нь Монгол Улсын Засгийн газрын зарчимтай нийцэхгүй байгааг харлаа. Тиймээс өнөөдөр БШУ-ны сайд Л.Энх-Амгалан түүнийг ажлаас нь чөлөөлөхөөр шийдвэрлэсэн, тушаал нь надад өглөө ирлээ. Энэ асуудал шийдэгдэх ёстой. Ж.Соронжон захирал Үндсэн хуулиар олгосон үндсэн эрхийг зөрчиж, ялгаварлан гадуурхалтыг олон нийтийн дунд бодитой харуулсан учраас ажлаас халах үндэслэл нь болсон. Монгол улсын нутаг дээр үйл ажиллагаа явуулж байгаа, монгол хүүхдүүд сурдаг сургууль учир Оросын тал ч шийдвэрийг ойлгоно гэж бодож байна" гэлээ.
Энэ тушаалтай санал нэгдэхгүй байгаагаа илэрхийлж өнөөдөр тус сургуулийн эцэг эх, асран хамгаалагчдын төлөөлөл жагсаал зохион байгуулж байна. Энэ бүх үйл явдалтай холбоотойгоор БШУ-ы сайдын тушаалыг танилцуулж байна.
БИЧЛЭГ ҮЗЭХ:
Сэтгэгдэл (0)
Сэтгэгдэл бичигдээгүй байна