Эрээн хотын дунд эрсдэлтэй 3 бүсээс бусад газрын хөл хориог цуцалжээ

Эрээн хотын Шуурхай штабаас дараах  мэдээллийг гаргалаа. Тодруулбал  2022 оны 9 дүгээр сарын 12-ны буюу өнөөдрөөс эхлэн   17 цагаас эхлэн тус хотын дунд эрсдэлтэй 3 бүсээс бусад газрын хөл хориог цуцлах шийдвэрийг гаргажээ. Мөн  хот хоорондын зорчигч тээврийн үйлчилгээг сэргээн, хотоос гарах иргэд 48 цагийн ПСР шинжилгээ хийлгэж нэвтрэх, өндөр эрсдэлтэй бүсээс ирж буй иргэд 7 хоног нэгдсэн тусгаарлалтад, дунд эрсдэлтэй бүсээс ирсэн иргэд 7 хоног гэрийн тусгаарлалтад, бусад газраас ирсэн иргэд оршин суугаа газраа 3 хоногт 2 удаагийн шинжилгээ хийлгэсний дараа гарахаар болжээ. Мөн хотын бусад олон нийтийн үйлчилгээний газруудыг Шуурхай штабын шийдвэр гартал түр хугацаагаар нээхгүй байх зэрэг шийдвэрүүдийг гаргав.