Хан-Уул дүүрэгт хамтарсан багийн чадавхжуулах сургалт зохион байгуулагдлаа

Нийслэлийн Хан-Уул дүүргийн иргэдийн Төлөөлөгчдийн Хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Г.Батсайханы өгсөн чиглэлийн дагуу хамтарсан багийн чадавхуулах сургалтыг зохион байгууллаа. 

Уг сургалтыг дүүргийн Засаг даргын Тамгын газрын дэргэдэх 25 хороодын Хамтарсан багийн гишүүд Засаг дарга, Нийгмийн ажилтан, дүүрэг дэх Цагдаагийн газрын хороо хариуцсан Хэсгийн байцаагч нийт 75 алба хаагчдыг хамрууллаа. Сургалтыг ШУТИС-ийн Нийгмийн ухааны салбарын дэд профессор, доктор Н.Нямдорж “Хамтарсан баг түүний үйл ажиллагаа”, Хүний хөгжлийн судлаач Төрийн удирдлагын докторант М.Мөнхжаргал “Хүний эрх ба хүүхдийн эрх”, мөн дүүрэг дэх Цагдаагийн газрын гэр бүл, хүүхэд, урьдчилан сэргийлэх ажил хариуцсан алба хаагчид гэр бүлийн хүчирхийлэл, хүүхдийн эсрэг гэмт хэргийн статистик тоон мэдээ, мэдээллийг хүргэн, цаашид хийж хэрэгжүүлэх ажлын талаар ярилцаж, сургалт амжилттай зохион байгуулагдлаа.