Хоёр өрөө орон сууцны түрээсийн дундаж үнэ 1,8 сая төгрөг байна

Манай улсын хүн амын талаас илүү хувь нь нийслэлд аж төрж байна. Орон сууцны барилгын тоо жил бүр нэмэгдэж буй хэдий ч түрээсийн эрэлтийг дагаж үнэ нэмэгддэг жишиг хэвээр байсаар байгаа билээ. 

Хоёр өрөө орон сууцны нэг сарын түрээсийн үнэ хотын захаар 900 мянгаас 1,3 сая төгрөгт байгаа бол хотын төвд тавилгагүй хоёр өрөө байр 1,8 сая төгрөгт дундажлагдаж, 3 сая төгрөг хол давсан үнэтэй байна. 

Иргэдийн дунд гадны улсын иргэд түр хугацаанд оршин суухаар ирж байгаа тул орон сууцны түрээсийн үнийг хөөргөдөж, хоёр дахин илүү төлж түрээслэж буй хэмээн яригдаж байгаа учир бид энэ талаар эдийн засагчдын байр суурийг хүргэж, зах зээлийн үнэлгээ болон гадны иргэдийн манай улсад үзүүлэх эдийн засгийн үр өгөөжийг нийтлэх болно.