ШУУРХАЙ: Эрэлч ноход Балу, Марта нарын тусламжтайгаар дахин дөрвөн хүний амийг аварлаа

          - "Зариг" сайтын сурвалжлах групп БНТУ-аас шуурхай мэдээллийг хүргэж байна-

Манай улсын аврах баг Туркийн гамшгийн голомтот Хатая мужид хоёр дахь өдрөө үүрэг гүйцэтгэж байна. Орон нутгийн цагаар өчигдөр хоёр хүүхэд, нэг том хүнийг аварч, эмнэлгийн анхны тусламж үзүүлсэн билээ. 

Тэгвэл өнөөдөр орон нутгийн цагаар  Монгол Улсын аврах баг дахин дөрвөн хүний амь аварч мөн эмнэлгийн анхны тусламж үзүүллээ. Тухайн дөрвөн хүнийг Марта болон Балу нарын эрэлч нохдын тусламжтай олсон юм. 

Бидний ажиллаж буй Турк улсын Хатая мужид тог цахилгаан, интернэт сүлжээ ажиллахгүй байгаа юм. Интернэт сүлжээтэй газар холбогдмогц манай сурвалжлах групп дүрстэй мэдээллийг газар дээрээс нь өгч ажиллана.