Хүүгийн аав: Биеийн байдал нь хэвийн ухаан ороогүй, янз бүрийн мэдээлэлд гайхаж байна

2023 оны гуравдугаар сарын 6-7-нд шилжих шөнө Баянгол дүүргийн 10 дугаар хорооны нутаг дэвсгэрт байрлах хотхоны дугаар тоотод гурван настай хүү зодуулан гуравдугаар сарын 8-ны 09:40 цагийн орчимд ГССҮТ-д ухаангүй байдалтайгаар хүргэгдэж, хэвтэн эмчлүүлж байгаа юм.

Шалгалтын явцад Л-ийн хамтран амьдрагч Э нь 3-6 насны хөвгүүдийг гэртээ харж үлдэхдээ гурван настай Б-г зодсон байж болзошгүй байдал урьдчилсан байдлаар тогтоогдсон талаар Цагдаагийн байгууллагаас мэдээлсэн. 

Бид хүүгийн аавтай уулзаж тодруулахад "Хүүг маань хойд эцэгтээ зодуулсныг ээж нь цагдаагийн байгууллагаас нуун дарагдуулсан үндэслэлээр баривчилагдсан. Мөн хүүг хоёр хоногийн дараа эмнэлэгт хүргэсэн нь үнэн. Хүүгийн 6 настай ахыг төрсөн аав нь өөр дээрээ авсан" талаараа ярьсан билээ.

Гурван настай хүү өнөөдөр /2023.03.17/ ГССҮТ-д 10 дахь өдрөө хэвтэн эмчлүүлж байна. Бид хүүгийн биеийн байдлыг хүүгийн төрсөн ааваас тодруулахад “ Хүү маань ухаан ороогүй. Зарим хэвлэл янз бүрийн л худал мэдээлэл гаргаж байна. Миний хүү яг л хэвэндээ, биеийн байдал нь маш муу байна. Би 3-р сарын 08-наас хойш ГССҮТ-д хоноод сахиж байна, хэвэндээ л байгаа.