Х.Алтанхуяг: Би хүмүүсийн итгэлийг дааж хүргэлтээ хийдэг, анхны ажил минь болохоор гоё байна

Түүнийг Х.Алтанхуяг гэдэг. Өвөрхангайн Баянгол сумын уугуул. Багадаа толгой нь өвддөг байсан учраас 4-р ангиа төгсөөд л сургуулиасаа гарчихсан хэмээн ярина. Өвөлдөө хот бараадан эгчийндээ өвөлжинө. Гурван жил хотод өвөлжөөд саяхнаас ажилд орсон. Түүний амьдралын анхны ажил нь “хүргэлтийн үйлчилгээ”. Ирсэн дуудлага бүрийг алдалгүй авч, эсвэл буцааж залгана. “Миний утас үнэгүй, та утсаа барьж байгаарай” хэмээн эелдэг ярина. Хол хүргэлтийг автобусаар, ойрхоныг явганаар хүргэж өгдөг. Түүний хүргэлтийн хөлс зайнаасаа хамаарч 5-10 мянган төгрөгийн хооронд хэлбэлзэнэ. Зарим нь хүргэлт хийлгэхээр залгаад “машинтай юу” гэж асуухаар нь “ би автобусаар явдаг” гэхээр шууд утсаа тасалчихдаг нь эвгүй санагддаг хэмээн ярина. 
Бичлэгээр үзэх: