Хүүгийн эмчилгээний зардалд 60 орчим сая төгрөг цугларчээ

ГССҮТ-д 16 дахь өдрөө ухаангүй байдалтай хэвтэн эмчлүүлж буй 3 настай хүүгийн ар гэр Монгол түмнээсээ тусламж хүсч буйгаа илэрхийлээд байгаа юм. Хүүг БНТУ-д эмчлүүлэх төлөвлөгөөтэй байгаа бөгөөд эмчилгээний зардалд ойролцоогоор 150 гаруй сая төгрөг шаардлагатайг онцолсон. 

Тэгвэл /2023.03.22/-ны хандивын аян өрнүүлснээс хойш өнөөдрийг хүртэл 60 орчим сая төгрөг хандивын дансанд цугларчээ. Хүүг БНТУ-руу ирэх долоо хоногт эмчилгээнд явуулахаар төлөвлөж байгаа юм байна. Мөн хүүг эрчимт эмчилгээний тасгаас тархины тасаг руу шилжүүлэх талаар хуралдаж байгаа бөгөөд төрсөн аав нь сахиураар орж байгаа гэх мэдээллийг өгч байгаа юм.

ГССҮТ-ийн мэдээллээр хүү эмчилгээний 12 дахь хоногтоо амьсгалын аппаратаасаа салж, биеийн байдал нь дээрдсэн талаар мэдээлсэн.