Багануур дүүргээс: Даргынхаа хүүд зодуулсан 6 хүүхдийн аав хэвтэрт ухаангүй байдалтай, хэрэг нь шийдэгдэхгүй 9 сар болж байна

2022 оны наймдугаар сард Багануур дүүрэгт байх УБТЗ-ын 2-р ангийн 19-р хэсгийн дарга шагнагдсан тул ажлаараа тэмдэглэхээр амралтад явжээ. Тэдэнтэй УБТЗ-даа “замчин”-аар 22 жил ажиллаж байгаа 43 настай П.Эрдэнэчулуун хамт явсан. 

19-р хэсгийн даргын хүү нь ч мөн төмөр замд инженерээр ажилладаг бөгөөд архидан согтуурсан үедээ П.Эрдэнэчулууныг өөрийнх нь нэрийг хэлсний төлөө "чи надруу томорлоо" хэмээн зоджээ. Улмаар П.Эрдэнэчулуун тархиндаа хүнд гэмтэл авч хоёр удаагийн хагалгаанд орсон ч гуурсаар хооллож, өөрийн ухаангүй байдалтай, хэвтэрт ороод байгаа юм.

П.Эрдэнэчулууных ам бүл наймуулаа. 5 хүү нэг охинтой. Тэдний хоёр дахь хүү нь 7 сарын турш зөөгч хийж аавынхаа эмийг авч өгдөг бол эхнэр нь дэргэд нь байж 9 сарын турш асарч байна. Хамгийн бага охин нь 3 настай. “Аав аа сэрээрэй” гэж чихэнд нь шивнээд үнсэнэ. П.Эрдэнэчулууны хэрэг цагдаа, шүүхээр шийдэгдэхгүй 9 сар болж байгаа бөгөөд Прокурорт очоод гацчихдаг учир ар гэр нь эргэлзээтэй бас айдастай байгаагаа илэрхийлж байгаа юм. Эрүүл, саруул эхнэр 6 хүүхдээ юугаар ч дутаалгүй аваад явчихдаг, баяр бүрээр эхнэр хүүхдээ дагуулаад аав ээжээ зорьдог байсан хүүг нь хүнд гэмтээсэн даргын хүүг шудрага шүүхээр шүүлгэхийг хүсч байгаа юм. Дарга, даргын хүү хоёрыг УБТЗ-аас халж арга хэмжээ авсан ч хүний эрүүл мэндэд учруулсан үйлдлийг нь 9 сарын турш хууль хяналтынхан шийдээгүй байна.
Бичлэгээр үзэх: