Т.Бадамжунай өнөөдөр эх орондоо ирнэ

Засгийн газраас хэрэгжүүлж буй 5Ш ажиллагааны хүрээнд авилга, албан тушаалын хэрэгт холбогдож хил дамнан зугтсан албан тушаалтнуудыг эх оронд нь албадан авч ирж байгаа билээ.

Тэгвэл УИХ, Засгийн газрын гишүүн байсан Т.Бадамжунайг өнөөдөр эх оронд нь албадан авчирч байна. ЦЕГ, АТГ-ын албаныхан Т.Бадамжунайг Филиппин улсаас авчирч буй бөгөөд БНСУ-ын Инчеон нисэх буудлаар дамжин  Улаанбаатарт 10.55 минутад бууна.

Тэрбээр 2018 оны арванхоёрдугаар сарын эхээр өмнөд хилийн Замын-Үүд боомтоор “УАЗ-469” машинд суун БНХАУ руу гарч, зугтсан байдаг. Түүнийг мөнгө угаасан хэд хэдэн хэрэгт яллагдагчаар татаад байгаа юм.