ЦЕГ: Л.Наранбаатартай холбоотой асуудлаар нэг эмэгтэй гомдол гаргасан, гомдол мэдээллийг шалгаж байна

Хөтөлийн цeмeнт ТӨК-ийн захирал Л.Наранбаатарт хүчирхийлүүлсэн гэх эмэгтэй цагдаагийн байгууллагад хандсан гэх мэдээлэл бий. 

Уг асуудлаар ЦЕГ-ын хэвлэл мэдээллийн төвийн дарга Г.Мөнхбаяраас тодруулахад: "Өмнө нь эмэгтэй ажилтандаа бэлгийн дарамт үзүүлсэн байж болзошгүй гэх асуудал яригдаж байсан юм билээ. Тухайн эмэгтэй 2023 оны дөрөвдүгээр сарын 10-ны өдөр Цагдаагийн байгууллагад гомдол гаргасан. Тухайн эмэгтэйн гомдол, мэдээллийг 14 хоногийн дотор Сэлэнгэ аймгийн Цагдаагийн газарт шалгаад зөрчлийн хэргээр эсвэл Эрүүгийн хэргээр шалгах эсэхийг шийднэ" гэлээ.