Гуравдугаар эмнэлэгт хэвтэхээр ирээд 10 хоног хүлээсэн иргэн УНТЭ-т хэвтжээ

Сэлэнгэ аймгаас тавдугаар сарын 27-ны өдөр нүд бүрсийх, толгой эргэж ухаан алдах гэсэн оноштойгоор Улсын гуравдугаар эмнэлэгт хандсан иргэнд тус эмнэлгээс даатгалаар MRI хийж, тухайн даатгалаар хөнгөлсөн мөнгө 14 хоногийн дараа ормогц иргэнийг эмнэлэгт хэвтүүлнэ хэмээн 10 гаруй хоног хүлээлгэж байгаа талаар бид мэдээлсэн. Тэгвэл тухайн иргэн нь Улсын Нэгдүгээр эмнэлгийн Мэдрэлийн эмнэлзүйн тасагт хэвтжээ. Даатгалаар эмнэлгээс хөнгөлөлт эдэлсэн тохиолдолд даатгалаас мөнгө орж баталгаажиж эмнэлгийн дансанд орсны дараа иргэд эмнэлгийн үйлчилгээ авах эрхтэй болно гэх асуудал нь олон иргэнд хүндрэл учруулж буй уг асуудлаар бид албаныханаас тодруулан хүргэнэ.