Шүүхээс С.Батдөлд 12 жилийн хорих ял оноожээ

О.Шүрэнцэцэг
2023/07/07

Баянгол дүүргийн Эрүүгийн хэргийн анхан шатны шүүх шүүгдэгч С.Батдөл, Б.Эрдэнэхүү, Д.Адъяацэрэн, С.Баттулга, Б.Энхмандах, Ж.Багамонгол, Р.Дашбилэг нарын 7 хүнд холбогдох эрүүгийн хэргийг  долдугаар сарын 06, 07-ны өдөр хянан хэлэлцээд дараах шийдвэрийг гаргажээ. 

Шүүгдэгч С.Батдөлийг дараах гэмт хэргүүдэд гэмт буруутайд тооцжээ. 

  • Эрүүгийн хуулийн тусгай ангийн 22.4 дүгээр зүйлийн 2 дахь хэсэгт заасан “хахууль авах” гэмт хэрэгт,
  • Эрүүгийн хуулийн тусгай ангийн 22.10 дугаар зүйлийн 1 дэх хэсэгт заасан “үндэслэлгүйгээр хөрөнгөжих” гэмт хэрэгт,
  • Эрүүгийн хуулийн тусгай ангийн 18.6 дугаар зүйлийн 2 дахь хэсгийн 2.2 дахь заалтад заасан “мөнгө угаах гэмт хэргийг байнга тогтвортой үйлдсэн” гэмт хэрэгт,
  • шүүгдэгч С.Баттулгыг Эрүүгийн хуулийн тусгай ангийн 22.4 дүгээр зүйлийн 2 дахь хэсэгт заасан “хахууль авах гэмт хэрэгт хамжигчаар хамтран оролцсон” гэмт хэрэгт,
  • Эрүүгийн хуулийн тусгай ангийн 18.6 дугаар зүйлийн 1 дэх хэсэгт заасан “мөнгө угаах” гэмт хэрэгт тус тус гэм буруутайд тооцож

Улмаар Эрүүгийн хуулийн тусгай ангийн 22.4 дүгээр зүйлийн 2 дахь хэсэгт заасан гэмт хэрэгт нийтийн албанд томилогдох эрхийг 5 жилийн хугацаагаар хасаж, 8 жилийн хугацаагаар хорих ял,

Эрүүгийн хуулийн тусгай ангийн 22.10 дугаар зүйлийн 1 дэх хэсэгт заасан гэмт хэрэгт нийтийн албанд томилогдох эрхийг 2 жилийн хугацаагаар хасаж, 2 жилийн хугацаагаар хорих ял,

Эрүүгийн хуулийн тусгай ангийн 18.6 дугаар зүйлийн 2 дахь хэсгийн 2.2 дахь заалтад заасан гэмт хэрэгт 2 жилийн хугацаагаар хорих ял тус оноожээ. 

Эрүүгийн хуулийн ерөнхий ангийн 6.8 дугаар зүйлийн 1, 3, 4 дэх хэсэгт заасныг баримтлан шүүгдэгч С.Батдөлд оногдуулсан ялуудыг нэмж нэгтгэн нийтийн албанд томилогдох эрх хасах ялыг 7 жилийн хугацаагаар, 12 жилийн хугацаагаар хорих ялаар шийтгэсэн байна.

Шүүгдэгч С.Баттулгыг Эрүүгийн хуулийн тусгай ангийн 22.4 дүгээр зүйлийн 2 дахь хэсэгт заасан гэмт хэрэгт нийтийн албанд томилогдох эрхийг 5 жилийн хугацаагаар хасаж, 2 жилийн хугацаагаар хорих ял,

Эрүүгийн хуулийн тусгай ангийн 18.6 дугаар зүйлийн 1 дэх хэсэгт заасан 1 жилийн хугацаагаар хорих ял шийтгэж нийтдээ нийтийн албанд томилогдох эрх хасах ялыг 5 жилийн хугацаагаар, 3 жилийн хугацаагаар хорих ялаар тогтоосон байна. 

Шүүгдэгч Р.Дашбилэг, Д.Адъяацэрэн, Б.Энхмандах, Р.Эрдэнэхүү, Ж.Багамонгол нарыг Эрүүгийн хуулийн тусгай ангийн 22.5 дугаар зүйлийн 1 дэх хэсэгт заасан “хахууль өгсөн” гэмт хэрэгт тус тус гэм буруутайд тооцож, тус бүр нийтийн албанд томилогдох эрхийг 5 жилийн хугацаагаар хасаж,

  • Р.Дашбилэгийг 14.000 нэгжтэй тэнцэх хэмжээний буюу 14.000.000 төгрөгөөр торгох ял,
  • Д.Адъяацэрэн, Р.Эрдэнэхүү нарыг тус тус 12.000 нэгжтэй тэнцэх хэмжээний буюу 12.000.000 төгрөгөөр торгох ял,
  • Б.Энхмандахыг 11.500 нэгжтэй тэнцэх хэмжээний буюу 11.500.000 төгрөгөөр торгох ял,
  • Ж.Багамонголыг 10.000 нэгжтэй тэнцэх хэмжээний буюу 10.000.000 төгрөгөөр торгох ял шийтгэжээ. 

Эд мөрийн баримтаар хураагдсан 9,390 ширхэг юань буюу 274.287.000 төгрөг,16.363 ширхэг ам, доллар буюу 5.431.297.683 төгрөг, 451 ширхэг евро буюу 198.006.000 төгрөг, мөнгөн дэвгэрт 1.425.370.000 төгрөг нийт 7.328.960.683 төгрөгийг улсын орлого болгохоор шийдвэрлэсэн байна. 

 

Эх сурвалж: БАЯНГОЛ, ХАН-УУЛ, СОНГИНОХАЙРХАН ДҮҮРГИЙН ЭРҮҮГИЙН ХЭРГИЙН АНХАН ШАТНЫ ШҮҮХИЙН ТАМГЫН ГАЗАР


2
angry
0
care
2
haha
30
liked
3
love
4
sad
6
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Буддагийн ариусан гэгээрч бурханы хутгийг олсон Бодьгаяа 2 цагийн өмнө
Эерэг мэдээ: Таван найз тавуулаа гадны их, дээд сургуулиудад суралцахаар болжээ 3 цагийн өмнө
ТАНИЛЦ: МАН-аас баруун бүсэд сойсон “шинэ” нэр дэвшигчид 4 цагийн өмнө
Б.Дуурсахмаа: Шавь нараа үнсэж эрхлүүлэх дуртай, багшийн цалингаа голж суулгүй давхар ажил хийдэг 5 цагийн өмнө
“Учиртай гурван толгой” дуурийн гол дүрүүдийг шалгаруулж байна 5 цагийн өмнө
Спорт клубүүдэд хөнгөлөлттэй үнээр бүртгүүлэх боломжтой 6 цагийн өмнө
​Гадаад улсад үйл ажиллагаа явуулж байгаа боловсролын сургалтын байгууллагад төрөөс дэмжлэг үзүүлэх журам баталлаа 6 цагийн өмнө
“Улаанбаатар марафон”-д 20 мянга гаруй хүн бүртгүүллээ 6 цагийн өмнө
Өнөөдөр бурхан багшийн дүйчэн өдөр тохиож байна 6 цагийн өмнө
Нийслэлд өдөртөө бага зэргийн аадар бороо орно 7 цагийн өмнө
Ж.Бат-Эрдэнэ: Ногоон автобус хуучин болохыг сонсголоор ил болголоо, нийслэл алдаагаа Тагнуулын байгууллага руу чихэж болохгүй 23 цагийн өмнө
Д.Амартүвшин: АН-ын дарга Лу.Гантөмөр тохиролцсондоо хүрч чадсангүй, жагсаалтаас нэрээ татаж байна Өчигдөр
Н.Алтанхуяг: Лу.Гантөмөрийн зовлонг ойлгож байна, МАН жагсаалтынхаа эхэнд инженер хүн орууллаа гээд мундаг гэсэн үг биш Өчигдөр
71 сая ам.долларыг нь Олон улсын хандивлагчдаас бүрдүүлж, “Монголын байгалийн өв” байгаль хамгааллын итгэлцлийн санд төвлөрүүлээд байна Өчигдөр
Монгол Улсын их хурлын сонгуулийг ажиглах ЕАБХАБ-ын төлөөлөгчидтэй уулзав Өчигдөр
“Автомашингүй өдөр” 20 гаруй худалдааны төв амарна Өчигдөр
"Тусламжийн бараа өгдөг асуудлаа болимоор байгаа юм. Бидний хойч ирээдүйд итгэх итгэл алга байна шүү дээ" Өчигдөр
Л.Наранбаатар: Сонгуульд өрсөлдөх мандатаа авсан төвийн нэр дэвшигчдээ дэмжиж ажиллана Өчигдөр
О.Цогтгэрэл: Жагсаалтын нэрстэй би ч санал нийлэхгүй байгаа, мэдээж С.Цэнгүүнээс З.Нарантуяа илүү байлгүй яахав Өчигдөр
Сонгинохайрхан, Налайх дүүрэгт эдийн засгийн тусгай бүс байгуулна Өчигдөр