Д.Сумъяабазар: “Натур”-ын гүүр нурах эрсдэл үүссэн тул хааж, богино хугацаанд сэргээн засварлана

О.Шүрэнцэцэг
2023/07/07

Нийслэлийн онцгой комиссоос 13:00 цагийн байдлаарх үерийн нөхцөл байдал болон авч хэрэгжүүлж буй арга хэмжээний талаар мэдээлэл өглөө. Хотын төвийн зургаан дүүргийн хэмжээнд 1094 дэд өртөөнд холбогдсон 52,071 хэрэглэгчийг болзошгүй эрсдэлээс сэргийлж, цахилгааныг нь тасалсан. Үүнээс Сүхбаатар дүүргийн 14, 15, 17, 19 дүгээр хорооны Салхит, Дамбадаржаа, Шарга морьт, Чингэлтэйн 18, 19 дүгээр  хороо Шадивлан, Жигжид, Доод салхит болон Баянзүрх дүүргийн 21, 27 дугаар хороо Дарь-Эх, Ганц худаг орчмын 630 дэд өртөөний 32,842 хэрэглэгчийг цахилгаанд холбожээ. Одоогоор 25 байршилд 465 дэд өртөөний 19,269 хэрэглэгч цахилгаангүй байна.

Цаашид үүсэж болзошгүй үерийн эрсдэлээс урьдчилан сэргийлэхээр Тэрэлж, Улиастай, Сэлбэ, Туул голын усны түвшний өөрчлөлтийг тогтмол хэмжиж, хянаж байна. Мөн Туул голын усны түвшин нэмэгдсэнтэй холбогдуулан үерийн даланг сэргээн засварлана.

Д.Сумъяабазар: “Натур”-ын гүүр нурах эрсдэл үүссэн тул хааж, богино хугацаанд сэргээн засварлана

Нийслэлийн Засаг дарга бөгөөд Улаанбаатар хотын Захирагч, Нийслэлийн онцгой комиссын дарга Д.Сумъяабазар:

-Долоодугаар сарын 1-нээс эхлэн бороо үргэлжлэн орсны улмаас нийслэлийн 26 хорооны 31,600 өрхийн 128 мянга орчим иргэн, 11 байршилд гудамж, зам талбай, мөн 108 барилга байгууламж үерт өртсөн.

Хан-Уул, Сонгинохайрхан, Сүхбаатар, Баянзүрх, Баянгол, Чингэлтэй дүүргийн 18 байршилд нийслэл, дүүргийн гамшгаас хамгаалах алба, мэргэжлийн анги, нутгийн захиргааны албан хаагчид, төрийн цэргийн болон тусгай чиг үүргийн байгууллагын 4828 ажилтан, албан хаагч 403 техник хэрэгсэлтэйгээр үүрэг гүйцэтгэн, өнөөдрийг хүртэл ажиллаж байна. Үерийн ус хальсан байршлуудад нийт 80 мянга орчим шуудай, 900 шоо метр элс, хайргыг 300 орчим машин механизмаар зөөж, голын даланг өндөрлөн хүчитгэж буй.

Түүнчлэн 11 авто зам, орон сууцны хотхонууд усанд автсан тул зарим байршилд зам хаах зохицуулалт хийсэн. Нийт 108 барилга байгууламжийн зоорийн давхрууд усанд автсаныг соруулах ажил үргэлжилж байна. Ус соруулахад өндөр хүчин чадал бүхий шахуурга шаардлагатай тул уул уурхайн компаниуд, хувийн хэвшил үүн дээр дэмжлэг үзүүлэн ажиллаж буй. Одоогоор Баянзүрх дүүрэгт усыг нь соруулах шаардлагатай 27 барилга байгууламж байна.

Авто зам, замын байгууламжийн тухайд 11 байршилд гудамж, зам, таван нүхэн гарц усанд автсан. Эдгээр байршилд ус соруулах, түр зам сэтлэх, усны урсцыг жигдрүүлэх арга хэмжээ авснаар эрсдэлийг буурууллаа.

Үүнээс гадна Сүхбаатар дүүргийн 1 дүгээр хороо, “Шанти резинденс” орон сууцны барилгын суурь усанд автаж, эргийн бэхэлгээ нурж, Манлай баатар Дамдинсүрэнгийн гудамжны авто замын буюу бидний нэрлэж заншсанаар  “Натур”-ын гүүрийн хашлага хөндийрч, нурах эрсдэл үүссэн гэж мэргэжлийн байгууллагууд дүгнэсэн. Тиймээс гүүрийг түр хааж, маш богино хугацаанд сэргээн засварлаж, хэвийн байдалд оруулна хэмээв.



1
angry
0
care
0
haha
0
liked
1
love
1
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ховд аймгийн баг “Алтан цом”-ын эзэн боллоо 1 цагийн өмнө
​Пауэрлифтинг: Г.Оргилболд ДАШТ-д гурван жил дарааллан түрүүлсэн анхны Монгол тамирчин болов 2 цагийн өмнө
Улаанбаатарт 23 хэм дулаан, бороо орохгүй 2 цагийн өмнө
Тодруулга: АН-ын ҮБХ-ны тэргүүлэгчид гарын үсгээрээ намаа боомилсон уу? 17 цагийн өмнө
Хэн нь хэн бэ: Сонгинохайрханы содон өнгө нь хэн байх вэ 17 цагийн өмнө
Баруун бүсэд дэвшигчид Эрдэнэбүрэнгийн УЦС-аар гол “оноо”-гоо авна 18 цагийн өмнө
"Өвөө, эмээ, хүү, ачтайгаа нийлээд дөрвүүлээ гүйлээ, гэр бүлээрээ гүйх сайхан байна" 21 цагийн өмнө
3-р ангийн сурагч: "Миний өрсөлдөгч бол би өөрөө" гэж ээж хэлсэн болохоор би чадна аа гээд л гүйгээд байсан 21 цагийн өмнө
Н.Энхбаяр: Хүмүүс намайг таниад гараараа даллаад л байлаа, сайхан гүйлээ 21 цагийн өмнө
Г.Ганхүү: Эрийг нас, уулыг цас гэдэг шиг уг нь 21 километрт гүйдэг байсан ч энэ жил 10 километрт гүйлээ 21 цагийн өмнө
"Найзуудтайгаа хамт юбкатай гүйлээ, хүмүүс сайхан хүлээж авсанд баяртай байна" 21 цагийн өмнө
Сурагчдыг сүү, сүүн бүтээгдэхүүний үйлдвэртэй танилцууллаа 22 цагийн өмнө
Хуульд зааснаас өөр хугацаанд нэр дэвшүүлэх ажиллагаа явуулсан бол нэр дэвшигчийг бүртгэхээс татгалзана 22 цагийн өмнө
Хөдөөгийн эмч, мэргэжилтнийг дэмжих шийдвэрүүд гаргалаа 22 цагийн өмнө
Танилц: Өнөөдөр 18 цаг хүртэл хааж буй автозамууд Өчигдөр
Өнөөдөр томоохон зах, худалдааны төвүүд амарна Өчигдөр
Улаанбаатарт бороотой, 18 хэм дулаан Өчигдөр
МУГТ Э.Цэндбаатар маргааш олимпын эрхийн төлөө тулалдана Өчигдөр
Драгон Холдинг компани Имарт сүлжээ дэлгүүр буюу Скай Хайпермаркеттай хамтын ажиллагааны гэрээ байгууллаа Өчигдөр
П.Сайнзориг: Шинэ номын сангийн дэргэд баригдаж буй барилгын карказыг буулгаж, ногоон байгууламж болгоно Өчигдөр