175 өрхийн 525 иргэнийг нүүлгэн шилжүүллээ

О.Шүрэнцэцэг
2023/07/08

Нийслэлийн онцгой комиссоос 13:00 цагийн байдлаарх үерийн нөхцөл байдал болон авч хэрэгжүүлж буй арга хэмжээний талаар мэдээлэл өглөө. Тодруулбал,  долоодугаар сарын 1-нээс үргэлжлэн орсон борооны улмаас нийслэлийн 26 хорооны 31,600 өрхийн 128,100 иргэн, 11 байршилд гудамж зам 108 барилга байгууламж үерт өртсөн. Долоодугаар сарын 7-8-нд шилжих шөнө, 8-ны өглөөний байдлаар Туул голын усны түвшин Улаанбаатар хот орчимд үргэлжлэн нэмэгдэж, 6:00 цагийн байдлаар 311 см хүрч, үерийн аюултай түвшинг 50 см давж байна.

Нийслэлийн Засаг дарга бөгөөд Улаанбаатар хотын Захирагч, Нийслэлийн онцгой комиссын дарга Д.Сумъяабазар:

-Нийслэлийн Хан-Уул, Сонгинохайрхан, Сүхбаатар, Баянзүрх, Баянгол, Чингэлтэй дүүргийн 21 байршилд нийслэл, дүүргийн гамшгаас хамгаалах алба, мэргэжлийн анги, нутгийн захиргаа, төрийн цэргийн болон тусгайлсан чиг үүргийн байгууллагын 2,945 ажилтан, алба хаагч 504 техниктэй үүрэг гүйцэтгэн ажиллаж байна.

Хотын хэмжээнд нийт 85 дэд өртөөний 6,889 хэрэглэгч хүчдэлгүй байна. Тухайлбал, Сэлбэ гол дагуу байршилтай 5, 6 буудал орчмоор, “Натур” төв, “S Outlets” дэлгүүр, Үндэсний соёл амралтын хүрээлэн, Тээврийн цагдаагийн газар, Дунд гол дагуу байршилтай “Ирээдүй” хороолол орчмын хэрэглэгчдийн хүчдэлийг салгасан, эрсдэл буурмагц цахилгааныг залгана.

Нийслэлийн хэмжээнд усанд автсан нийт 144 орон сууцнаас 43 мото помп ашиглан 79 орон сууцны барилгын усыг соруулж, хатаах, цэвэрлэх, ариутгах ажлыг хийж байна, орон сууцны 65 барилгын усыг соруулж байна. Үерийн усыг соруулаагүй 13 байр бий.

Одоогоор 51 тээврийн хэрэгслээр 59 рейс явж 1260 шоо метр шороог зөөж буулган, “Улаанбаатар Буян” ХХК-ийн урд төв зам дагуу, Маршалын гүүрийн зүүн тал, Туул гол дагуу 181 метр урт, 10 метр өргөн, зургаан метр өндөртэй далан босгоод байна. Мөн “Khan Hills” хотхоны баруун талын зам дагуу далан, Сүхбаатар дүүргийн 13, 15 дугаар хорооны үерийн далан, Маршалын гүүрийн зүүн тал, Туул гол дагуу даланг сэргээн босгосон.

Баянзүрх, Сүхбаатар, Хан-Уул, Чингэлтэй дүүргийн долоон хорооны нийт 555 өрх усанд автсанаас 175 өрхийн 525 иргэнийг нүүлгэн шилжүүллээ.

Нийслэлийн зургаан дүүргийн хэмжээнд өнөөдрийн 00:00 цаг хүртэл гамшгаас хамгаалах өндөржүүлсэн бэлэн байдлын зэрэгт шилжүүлж, зарим байршилд авто зам, замын байгууламж болон авто тээврийн хөдөлгөөнийг түр хугацаагаар хязгаарласан. Тухайлбал, Хүй долоон худгийн зам, 22-ын товчооны зам, Эмээлтийн зам, Хувьсгалчдын гудамж, Чингэлтэйн өргөн чөлөө, Бэлх, Сэлхийн зам, Шадивлангийн замуудад нүхэн эвдрэл засварлах ажил хийж байна. “Натур” төвийн замын хөдөлгөөнийг нээсэн гэлээ.

Цэргийн алба хаагчид 8-10 цагаар ээлжлэн ажиллаж байна

Улаанбаатар хотын Ерөнхий менежер бөгөөд Захирагчийн ажлын албаны дарга М.Баяраа мэдээлэл өгсөн юм.

Тэрбээр “Ариутгал, халдваргүйжүүлэлт үргэлжилж байна. Тодруулбал, Сүхбаатар, Баянзүрх, Хан-Уул, Сонгинохайрхан дүүргийн нутаг дэвсгэрийн 5,320,000 ам метр талбайг ариутгаж, халдваргүйтгээд байна. Ариутгал халдваргүйтгэлийн тусгай зөвшөөрөлтэй хувийн хэвшлийн байгууллагуудаас нийт  46 ариутгагч ажиллаж, Сүхбаатар дүүргийн 1 дүгээр хороо, Баянзүрх дүүргийн 27-р хорооны үерт автсан 42 байрны орц, гадна орчин, цахилгаан шат, хогийн цэгүүдэд 70 бодис ашиглаж халдваргүйтгэл хийж буй. Ариутгагч бодисын нөөц хангалттай.

Түүнчлэн зам талбайн цэвэрлэгээ үйлчилгээний 16 байгууллагын 610 албан хаагч 6.1 сая ам метр авто болон явган зам талбайг цэвэрлээд байна.

Зэвсэгт хүчний анги нэгтгэлүүд, дотоодын цэргийн ангиудын алба хаагчид гудамж талбайд хуримтлагдсан лаг, шаврыг зөөж ачих, үүссэн бохирдлыг цэвэрлэх ажлыг гүйцэтгэж байна. Тэд хоногт 8-10 цагаар ажиллаад сэлгэх байдлаар буюу ээлжлэн үүрэг гүйцэтгэж байгаа. Олон нийтийн сүлжээнд гарсан гудамжинд унтуулж байна гэсэн мэдээлэл ташаа” гэж онцолсон.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
0
haha
1
liked
0
love
1
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Сураггүй болсон хоёр иргэнийг эсэн мэнд оллоо 5 минутын өмнө
2024-2025 оны хичээлийн жилийн БНХАУ-ын Засгийн газрын тэтгэлэг зарлагдлаа 1 цагийн өмнө
Хүнсний ногооны үйлдвэрлэлд түүхэндээ анх удаа 183.0 мянган тонн ургац хураан авчээ 1 цагийн өмнө
Зайсан орчмын ундны усанд нян, халуунд тэсвэртэй гэдэсний бүлгийн савханцар илэрсэн 1 цагийн өмнө
П.Эрхэмбаяр: Н.Өнөрцэцэгт холбогдох асуудлын процессыг ном журмын дагуу явуулаагүй байна 1 цагийн өмнө
Өмгөөлөгч Б.Хонгорзул: Н.Өнөрцэцэгт 4 хэргийг нь танилцуулалгүй цагдан хорьсон 2 цагийн өмнө
Н.Алтанхуяг: Үгэнд ор, үгүй бол шоронд ор гэдэг үг одоо сэтгүүлчид рүү орж байгаа юм байна 3 цагийн өмнө
​Орон нутгийн нислэгийг Буянт-Ухаа руу шилжүүлэхийг зорьж байна 3 цагийн өмнө
Н.Ганибал: Б.Энхбаяр гишүүн ганцаараа бүх мэдээллээ авчихаад Түр хорооны гишүүддээ хуваалцдаггүй 4 цагийн өмнө
Нийт нутгийн 70 орчим хувь зудын эрсдэлтэй байна 4 цагийн өмнө
БОАЖЯ: Ойн санд хууль бусаар үйл ажиллагаа явуулсан 2 техник, 13 автомашиныг хураан авсан 4 цагийн өмнө
УБ хотын төвд, хүн амын төвлөрөл бүхий бүсэд “Шинэст” барилга, тохижилтын төв шинээр нээгдлээ 6 цагийн өмнө
Нийслэлд 2.6 их наядын орлого төвлөрүүлж, урсгал зардалд 1.1 их наяд орчим төгрөг зарцуулна 6 цагийн өмнө
Гэр хорооллын 5000 байшин, 15 мянган гэрт цахилгаан халаагуур тараана 6 цагийн өмнө
Сураггүй болсон хоёр иргэнийг эрэн хайж байна 7 цагийн өмнө
Сайжруулсан шахмал түлштэй холбоотой нотлох баримтын талаар иргэдийн төлөөлөл мэдээлнэ 7 цагийн өмнө
Зарим нутгаар цасаар шуурна 7 цагийн өмнө
МСНЭ: Чөлөөт хэвлэлийг дарах, айлган сүрдүүлэх гэсэн үйлдэлд мэргэжлийн эрх ашгаа хамгаалж ажиллана 23 цагийн өмнө
Г.Занданшатар: Хууль засагладаг улсад хэн ч хэлмэгдэх ёсгүй 23 цагийн өмнө
Хүүхдийн мөнгө, халамжийн тэтгэвэр, тэтгэмж олгох энэ сарын ХУВААРЬ 23 цагийн өмнө