ӨВӨРХАНГАЙ: Гардийн нэрэмжит барилдаанд Улсын начин Б.Лхагвадорж түрүүлжээ

Монгол Улсын Гарди Ц.Бямба-Отгоны мялаалга наадмын хүчит бөхийн барилдаанд Өвөрхангай аймгийн Нарийнтээл сумын харьяат, Их Монголын хүчтэн дэвжээний бөх, Улсын начин Б.Лхагвадорж түрүүлж, Баянхонгор аймгийн Баянбулаг сумын харьяат, 'Мөнхийн үсэг" ХХК-ийн бөх, Улсын харцага Н.Золбоо үзүүрлэлээ.

Завхан аймгийн Баянтэс сумын харьяат Улсын харцага Ш.Пүрэвгарьд, Төв аймгийн Өндөрширээт сумын харъяат, Улсын начин Д.Хүдэрбулга нар шөвгийн дөрөвт шалгарлаа.

Мөн наадмын Үндэсний сурын харваанд эмэгтэйчүүдээс Спортын мастер, Баянхонгор аймгийн гоц харваач С.Тогоохүү, Өвөрхангай аймгийн харваач Спортын мастер, Аймгийн мэргэн Ж.Мөнхзаяа, Спортын мастер, Аймгийн мэргэн С.Лхагвасүрэн нар эхний гурван байрыг эзлэсэн бол эрэгтэйчүүдээс Баянхонгор аймгийн харваач, Спортын мастер, аймгийн мэргэн Б.Энхтүвшин, Спортын мастер, Өвөрхангай аймгийн тод харваач Ц.Мянган-Очир, Спортын мастер, Өвөрхангай аймгийн мэргэн С.Босоомөнх нар шалгараад байна.