Хүчингийн хэрэг үйлдээд оргон зайлсан этгээдийг эрэн сурвалжилж байна

Баянзүрх дүүргийн нутаг дэвсгэрт 2015 оны 04 дүгээр сард таксины жолооч үйлчлүүлэгчээ хүчиндсэн хэрэг гарчээ. Цагдаагийн байгууллагаас уг хэргийг Хууль сахиулахын их сургуулийн оюутан “У” гэгч нь үйлдсэн болохыг тогтоож, прокурорт хүргүүлэн, Баянзүрх дүүргийн шүүхэд шилжүүлсэн байна.

 Хэрэг шүүхэд хянагдаж байх хугацаанд шүүгдэгч “У”-ын өмгөөлөгчийн хүсэлтийн дагуу цагдан хорих таслан сэргийлэх арга хэмжээг өөрчилж, батлан даалтанд өгөх таслан сэргийлэх арга хэмжээ авчээ. Гэтэл шүүгдэгч “У” гэгч нь Замын-Үүд авто замын боомтоор оргон зугтаж, Баянзүрх дүүргийн шүүхээс 2016 оны 11 дүгээр сарын 01-ний өдөр хэргийг түдгэлзүүлжээ. Эрүүгийн хэрэг хянан шийдвэрлэх тухай хуульд заасны дагуу шүүгдэгч У-г эрэн сурвалжилж байна.