ХӨХ ХОТЫН ЭКСПОГООС: Экспод оролцсон ААН-үүд бизнесийн түншүүдээ олж авлаа


“Хөгжлийн шинэ боломжийг хамтдаа хуваалцъя” уриан дор Монгол-Хятадын дөрөв дэх удаагийн экспо БНХАУ-ын ӨМӨЗО-ны Хөх хотноо амжилттай боллоо. Уг арга хэмжээнд Төв Азийн таван улс, БНХАУ-ын зарим мужийн нийт 3000 аж ахуйн нэгж оролцож байгаа бөгөөд Монгол Улсаас 500 гаруй аж ахуйн нэгж оролцож бүтээгдэхүүнээ Хятадын зах зээлд танилцуулсан юм.

 Экспод оролцсон аж ахуйн нэгжүүдийн сэтгэгдэл:

Х.Баяр “Давхар хийц” ХХК-ийн менежер: Манай компани Монгол-Хятадын экспог анх зохион байгуулагдсан цагаас нь эхлээд орж эхэлсэн. Дөрөв дэх удаагаа оролцож байна. Өвөр Монголчууд үндэсний гар урлалын бүтээгдэхүүнийг маань их сонирхож худалдан авалт ч сайн хийдэг. Энэ экспо арга хэмжээнээс бид түншүүдээ олж авч хамтран ажиллаж байна. Өнгөрсөн хугацаанд түншүүдийнхээ захиалгын дагуу бүтээгдэхүүнээ үйлдвэрлээд нийлүүлж ажилласаар ирсэн, жил ирэх тусам экспогийн үйл ажиллагаа улам бүр өргөжиж байгаад таатай байна.

Д.Сайннямбуу ”Хүлэг” ХХК-ийн захирал: Манай компани жил бүр Хятад улсын Хайлаар, Эрээн зэрэг хотуудад зохион байгуулагддаг экспо арга хэмжээнд оролцсоор ирсэн. Энэ удаагийн Хөх хотод зохион байгуулагдаж буй Монгол-Хятадын экспо арга хэмжээ нэлээн өргөн цар хүрээтэй зохион байгуулагдаж, үүнийг дагаад үзэсгэлэнг сонирхохоор ирсэн хүмүүс ч олон байгаад бидний зүгээс таатай байна. Манай бүтээгдэхүүний хувьд борлуулалт сайтай байдаг. Өвөр Монголчууд болон Хятадууд Монгол арьсыг чанартай, арав хорин жил өмсөгдөнө гээд худалдан авалт ихээр хийдэг. Загварын хувьд Монгол загвартай хувцсыг түлхүү худалдан авалт хийх хандлагатай байдаг.


Т.Гэрэлмаа “Мөнгөн брэнд”-ийн захирал: Манай компани Чанчу, Эрээн хотуудад зохион байгуулагдсан үзэсгэлэнд ороод өнөөдөр Монгол-Хятадын экспо арга хэмжээнд анх удаа ирж оролцож байна. Хятадын үзэсгэлэнд оролцоход борлуулалт сайн хийгддэг, манай кашмер сайн танигдсан учраас борлуулалт ч дагаад өндөр байна. Хятадын худалдан авагчдын хувьд шинэ загварууд болон ноолуурын натурал өнгийг илүү сонирхсон худалдан авалт хийж байна. Таалагдсан зүйлдээ мөнгө харамлалүй өөртөө болон ээж, аав гэр бүлийнхэндээ бэлэг болгон авч байна. Гэхдээ худалдан авагчид манай ноолуурыг өмнөх жилүүдийг бодвол ханш өссөн гэх сэтгэгдлийг хэлж байна.

Н.Үүрцайх “Уран хүлэг” брэндийн үүсгэн байгуулагч: Манайх хоёр дахь удаагаа Хөх хотын экспо арга хэмжээд оролцож байна. Мөн бусад хотуудад зохион байгуулагддаг үзэсгэлэн арга хэмжээнд ч тасралгүй оролцсоор ирсэн. Уран хүлэгийн бүтээгдэхүүнийг сайн таниулж сурталчилж ирсэн, борлуулалт ч мөн сайн байдаг. Өвөр Монголчууд Монголд очоод ч худалдан авалт хийдэг тохиолдол бий. Ер нь түншүүдтэй болсон гэж хэлж болно. Гэхдээ сүүлийн жилүүдэд борлуулалт буурах хандлагатай байна. БНХАУ-ын ӨМӨЗО-д бүх сургуулийн монгол хэлний хичээлийг багасгаж, үзэхгүй болж байгаатай холбоотойгоор Монгол дээлний хэрэглээ багасч байгаа нь Монгол дээлний борлуулалтад нөлөөлж байна. Өвөр Монголчууд Монгол бичиг үзэхдээ сурагчид төдийгүй багш нар, эцэг эхчүүд нь ч Монгол дээлээ өмсдөг байсан бол одоо заавал өмсөх шаардлагагүй болсон учраас хэрэглээ багасч байгаа нь борлуулалт өмнөх жилүүдээс буурснаас харагдаж байна.





0
angry
0
care
2
haha
0
liked
0
love
1
sad
0
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
Л.Мөнхбаясгалангийн усан цэнхэр дээл эрэлттэй байна 1 цагийн өмнө
Байр суурь: Биржийн тухай хуулийг батлуулснаар нүүрсний “хулгай” зогссон 2 цагийн өмнө
УИХ-ын сонгуулийн 2-р тойрогт МАН-аас нэр дэвшигч Д.Амарбаясгалан Говь-Алтай аймгийн Цогт, Цээл суманд ажиллалаа 3 цагийн өмнө
Unread 100: Changemakers-т багтсан “Үндэсний Эвсэл”-ийн гишүүд хэн байв 6 цагийн өмнө
Ц. Жадамбааг мэтгэлцээнд бусдаасаа илүү оролцож, бодлогын чанартай зүйлс ярьсан гэж дүгнэжээ 8 цагийн өмнө
Хотын реформын автор Э.Бат-Амгалан 8 цагийн өмнө
Ховдынхныг хамгийн сайн сонсож, үгийг нь төрд дамжуулдаг гишүүн 8 цагийн өмнө
УИХ-ын ээлжит сонгуулийн бэлтгэл ажлын талаар санал солилцов 8 цагийн өмнө
Сэрэмжлүүлэг: Усархаг, дуу цахилгаантай аадар бороо орно 9 цагийн өмнө
НӨАТ-ын тохирлоос нэг иргэн супер азтан болжээ 10 цагийн өмнө
Б.Тулга: Хонгилоор чирэгдэж нэг сар хоригдоход гэр бүл минь надаас илүү шаналсан 11 цагийн өмнө
"Цагдан хоригдож байгаа иргэд оршин суугаа газраас нь хэн нэр дэвшиж байгаа талаарх ямар ч ойлголт, мэдээлэлгүй байна" 11 цагийн өмнө
''Зукерберг Монголд төрсөн бол Компьютер ланд-д компьютер форматлаад сууж байх байсан даа'' 11 цагийн өмнө
Л.Оюун-Эрдэнэ Сонгинохайрханчуудад бодлого, зорилтоо танилцууллаа 11 цагийн өмнө
ХЭҮК: Регистрийн дугаараар нь тухайн хүн хэнд санал өгснийг мэдэх боломжгүй 11 цагийн өмнө
ХҮН нам сонгуульд ялбал Т.Доржханд Ерөнхий сайд болно гэв 12 цагийн өмнө
Нойрмоглож залхав! 12 цагийн өмнө
НОБГ: Өчигдөр шөнө орсон аадраар үерийн нөхцөл байдал үүсээгүй 13 цагийн өмнө
​ ХӨГЖИЛД ХӨТЛӨХ ЗҮТГҮҮР 13 цагийн өмнө
Д.Оюунбат: Өчигдөр шөнө орсон аадраар үерийн нөхцөл байдал үүсээгүй 13 цагийн өмнө