Г.Занданшатар: Монгол Улс, БНСУ-ын харилцааны эрх зүйн орчинг бэхжүүлэхэд хоёр улсын парламент хоорондын хамтын ажиллагаа чухал үүрэгтэй

О.Шүрэнцэцэг
2023/09/12

2023 оны 09 дүгээр сарын 12-ноос 14-ний өдрүүдэд Бүгд Найрамдах Солонгос Улсад зохион байгуулагдах “Номхон далай дамнасан тогтвортой байдлын яриа хэлэлцээ” олон улсын чуулга уулзалтад Монгол Улсын Их Хурлын дарга Г.Занданшатар тэргүүтэй төлөөлөгчид оролцохоор Сөүл хотод хүрэлцэн ирээд байгаа билээ.

Улсын Их Хурлын дарга Г.Занданшатар  БНСУ-ын Үндэсний Ассамблейн дэд дарга хатагтай Ким Ён Жү-тэй уулзлаа.

Улсын Их Хурлын дарга Г.Занданшатар БНСУ-ын Үндэсний Ассамблейн дэд дарга Эрхэмсэг хатагтай Ким Ён Жү-тэй дахин уулзаж байгаадаа баяртай байна гээд өнгөрсөн зургадугаар сард Улаанбаатар хотноо зохион байгуулагдсан “Алтай дамнасан тогтвортой байдлын яриа хэлэлцээ – Жендэрийн эрх тэгш байдал ба тогтвортой хөгжил” чуулга уулзалтад оролцож, илтгэл тавьсанд тань дахин талархал илэрхийлье гэв.  


БНСУ-ын Үндэсний Ассамблейн дэд дарга Ким Ён Жү, энэ жил Монгол Улсын Их Хурлын даргатай гурав дахь удаагаа уулзаж байгаад баяртай байна. Үндэсний Ассамблей дэх гишүүд тэр дундаа улстөрийн олонх, цөөнх намын төлөөлөл Монгол Улсад айлчлахдаа Улсын Их Хурлын даргатай найрсаг, дотно уулзалт хийсэн хэмээн танилцуулж, сэтгэл хангалуун байдгийг уулзалтын эхэнд дурдав.

Тэрбээр хэлэхдээ, энэ жил Монгол Улсад хоёр удаа айлчилсан бөгөөд өнгөрсөн хугацаанд манай хоёр улсын харилцаа, хамтын ажиллагааг эрчимжүүлэхэд түлхэц үзүүлэх төсөл, хөтөлбөрүүдийг хэрэгжүүлэхэд анхаарал хандууллаа. Тодруулбал, хүүхдийн эрүүл мэндийг дэмжих төсөл юм. Хэдийгээр тулгамдсан асуудлууд удаа дараа гарч байсан хэдий ч Улсын Их Хурлын даргын дэмжлэгтэйгээр амжилттай хэрэгжүүлж дууссаныг дуулгахад таатай байна. Өнөөдөр Улсын Их Хурлын даргатай уулзах завшаан тохиож буйтай холбогдуулан уг төслийн тайланг гардуулахад туйлын баяртай байна. Бидний цаашдын хамтын ажиллагааг бусад салбарт өргөжүүлэн хөгжүүлэхэд Улсын Их Хурлын даргын дэмжлэг чухал хэмээв.


Улсын Их Хурлын дарга Г.Занданшатар БНСУ-ын Үндэсний Ассамблейн дэд дарга хатагтай Ким Ён Жү-гийн Монгол хүүхдийн эрүүл мэндийн төлөөх чин сэтгэлийн хичээл, зүтгэлийн үр дүнд уг төсөл амжилттай хэрэгжиж дууссанд талархал илэрхийлж, цаашдын хамтын ажиллагааг бүхий л талаар дэмжлэг үзүүлж ажиллана гэлээ. Тэрбээр, Монгол Улс, БНСУ-ын улс төрийн итгэмжилсэн харилцааг бэхжүүлж, харилцааны эрх зүйн орчинг бэхжүүлэхэд хоёр улсын хууль тогтоох дээд байгууллага хоорондын хамтын ажиллагаа чухал үүрэгтэй. БНСУ-ын Үндэсний Ассамблейн дэд даргын зүгээс хоёр улсын парламентын хамтын ажиллагааг хөгжүүлэхэд ач холбогдол өгч, анхаарч ирсэнд талархал илэрхийлье гэв. Түүнчлэн, Монгол Улсын Үндсэн хуульд оруулсан өөрчлөлт, үүнтэй холбогдуулан Улсын Их Хурлын хуралдааны дэг, мэтгэлцээний зарчим, парламентын хяналт шалгалтын процессын шинэчлэлийн талаар танилцуулж, санал солилцлоо.


Талууд хоёр улс харилцан ашигтай, бие биеэ нөхсөн эдийн засгийн харилцааг хөгжүүлэхийн тулд хамтын ажиллагааны эрх зүйн үндэс суурийг бэхжүүлэх нь зүйтэй хэмээн санал нэгдэв. Уулзалтад Улсын Их Хурлын гишүүн, Улсын Их Хурал дахь МАН-ын бүлгийн дэд дарга, Хөдөлмөр, нийгмийн хамгааллын сайд Х.Булгантуяа, Улсын Их Хурлын гишүүн, Уул уурхай, хүнд үйлдвэрийн сайд Ж.Ганбаатар, Улсын Их Хурлын гишүүн, Монгол Улсын сайд, Олимп, нийтийн биеийн тамир, спортын Үндэсний хорооны дарга Б.Бат-Эрдэнэ болон бусад албаны хүмүүс оролцов. Дараа нь хатагтай Ким Ён Жү Улсын Их Хурлын дарга, гишүүдэд БНСУ-ын Үндэсний Ассамблейн танхимыг танилцууллаа гэж Улсын Их Хурлын Хэвлэл мэдээлэл, олон нийттэй харилцах газраас мэдээлэв.



0
angry
0
care
0
haha
1
liked
0
love
0
sad
0
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
Сэтгүүлч Б.Ганчимэг: Самандын Жавхлан бол өөрийгөө олсон хүн 3 цагийн өмнө
“Үндэсний Эвсэл”-ийн Төвийн бүсэд нэр дэвшигчид юу хэлэв? 6 цагийн өмнө
З.Мэндсайхан: Надад ажил хэрэгч төлөвлөгөө байна, хийх л үлдлээ 6 цагийн өмнө
Э.Батшугар: Тамирчдыг дэмжсэн аж ахуйн нэгжид татварын дэмжлэг үзүүлэх нөхцөлийг бүрдүүлсэн 8 цагийн өмнө
Гадаадад байгаа Монголчууд Ерөнхий сайд Л.Оюун-Эрдэнийг багаар нь дэмжиж байна 8 цагийн өмнө
Хамгийн хөөрхөн, ухаалаг, загварлаг зөөгч робот 9 цагийн өмнө
Аюулт үзэгдэл, ослын үед ажиллахад шаардлагатай багаж, хэрэгслийг хүлээлгэн өглөө 9 цагийн өмнө
Сагсчин Б.Билгүүн, Д.Мөнхтүвшин нар Н.Амаржинг дэмжихээ илэрхийлэв 10 цагийн өмнө
Г.Дамдинням, Т.Мөнхсайхан нар крашын тоогоороо тэргүүлж байна 12 цагийн өмнө
“Үндэсний Эвсэл”-ийн тэргүүн Төв аймгийн иргэд, сонгогчидтой уулзлаа 12 цагийн өмнө
Сэлбэ голын голдирлыг тэлж, түшиц хана барих ажлыг эхлүүллээ 13 цагийн өмнө
Өнөөдрөөс шөнийн автобус явж эхэлнэ 14 цагийн өмнө
АНУ-ын Нью мексико мужид гарсан ой, хээрийн түймрийн улмаас онц байдал зарлалаа 14 цагийн өмнө
Түр зуурын усархаг бороонд Налайх дүүрэгт 5 гэр усанд автжээ 15 цагийн өмнө
“Үндэсний Эвсэл”-ийн тэргүүн Өмнөговь, Дундговь аймгийн иргэд, сонгогчидтой уулзлаа 15 цагийн өмнө
Өнөөдөр гадаадад суугаа сонгогчдоос санал авах эхний өдөр 15 цагийн өмнө
Улаанбаатар хотын бондын анхдагч арилжааг нээж, цан цохилоо 15 цагийн өмнө
О.Батнайрамдал: Өрсөлдөөн бол миний амьдрал 16 цагийн өмнө
Борооны ус тогтсон байршилд аритгал халдваргүйжүүлэлт хийлээ 16 цагийн өмнө
Борооны өмнөх хүчтэй салхи, мөндөр, үер, усны аюулаас сэрэмжтэй байхыг онцгойлон анхааруулж байна 16 цагийн өмнө