Зэвсэгт хүчний офицерууд бусдыгаа манлайлж орон сууцны түлхүүр гардлаа

О.Шүрэнцэцэг
2023/09/12

Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүхийн ивээл дор Төрийн цэргийн болон хууль сахиулах байгууллагуудын залуу офицеруудын чуулганыг 2023 оны 09 дүгээр сарын 8-10-ны өдрүүдэд Хэнтий аймгийн Цэнхэр мандал сум, Хар зүрхний Хөх нуурт зохион байгууллаа. Төрийн цэргийн болон хууль сахиулах байгууллагын 817 залуу офицер өөрсдийн өмнө тулгамдаж буй асуудлуудыг хамтдаа хэлэлцэж, чуулганаас гарсан санал санаачилгыг шийдвэр гаргагчдад уламжилжээ.


Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх чуулга уулзалтад оролцон, залуу офицеруудад баяр хүргэж үг хэлэв. Тэрбээр залуу офицеруудыг хөгжүүлж, нийгмийн хамгааллыг нь нэгдсэн бодлогоор шийдвэрлэж байх ёстой гэж үздэгээ тэмдэглэв. Мөн удирдлагын манлайлал, хамт олны уур амьсгал, ажиллах орчин нөхцөл чухал бөгөөд шударга, ил тод, шатлан дэвших зарчимд тулгуурласан хүний нөөцийн бодлогыг хэрэгжүүлэх нь чухал байгааг удирдах бүрэлдэхүүнд анхаарууллаа. Залуу офицерууд шинжлэх ухаан, технологи, мэргэжлийн мэдлэг, боловсролоо байнга дээшлүүлж, өөрийгөө хөгжүүлж байхыг захиж, тэдний хүсэл мөрөөдөл, санал санаачилга, хөгжил дэвшлийг бүх талаар дэмжиж, хамтран ажиллахаа хэлэв. Харин Монгол Улсын Засгийн газрын гишүүн, Батлан хамгаалахын сайд Г.Сайханбаяр залуу офицеруудад хандан, Чуулганаас гарсан санал, санаачлага, зөвлөмж, уриалга зэрэг нь Төрийн цэргийн болон хууль сахиулах байгууллагын хамтын ажиллагааг бэхжүүлэх, залуу офицеруудыг хөгжүүлэх, тэдний манлайлах ур чадварыг нэмэгдүүлэх, нийгмийн хамгааллыг шийдвэрлэх арга замыг тодорхойлсон бодлого, эрх зүйн баримт бичгүүдэд өөрчлөлт оруулах, шинэчлэн боловсруулах үндсийг бүрдүүлэх чухал ач холбогдолтой гэдгийг тодотгов.


Төрийн цэргийн болон хууль сахиулах байгууллагуудын “Шилдэг офицер” шалгаруулах тэмцээн өнгөрсөн сарын 24-26-ны өдөр Дотоод хэргийн их сургууль болон Хужирбулан дахь Зэвсэгт хүчний сургалтын төв, Чингэлтэй дүүргийн Хайрхан хөгжлийн төвд болсон байна.Тэмцээнд 10 байгууллагын 80 офицер оролцож, цэргийн дүрэм, гадаад хэлний мэдлэг, эсээ бичлэг, илтгэх ур чадвар, буудлага, сэтгэл хөдлөлөө удирдах болон багаар ажиллах чадвар, бие бялдрын бэлтгэлжилт төрлөөр өрсөлджээ.

Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх тэмцээнд тэргүүн байр эзэлсэн Зэвсэгт хүчний Жанжин штаб, Тусгай хүчний цэргийн командлалын офицер, ахмад Н.Дэлгэрмаа, мөн командлалын офицер, ахмад Г.Жавхлантөгс нарт тус бүр хоёр өрөө байрны батламж гардуулж, баяр хүргэн, амжилт хүсэн ерөөв.Тэмцээний тусгай, гутгаар, дэд байрт шалгарсан залуу офицеруудад Батлан хамгаалахын дэд сайд Б.Баярмагнай, Монгол Улсын Шадар сайд С.Амарсайхан, Батлан хамгаалахын сайд, дэслэгч генерал Г.Сайханбаяр нар шагнал гардуулав.“Залуу офицеруудын чуулга уулзалт”-ыг угтаж Батлан хамгаалахын дэд сайд Б.Баярмагнайгаар ахлуулсан Ажлын хэсэг залуу офицеруудын мэдлэг, ур чадварыг дээшлүүлэх, урам зориг нэмэх, манлайлах, мэргэжлээрээ бахархах, хамтын нөхөрлөлийг бэхжүүлэх, нийгмийн идэвхийг өрнүүлэх, залуу гэр бүлийг дэмжих чиглэлээр 43 цуврал ажил, арга хэмжээ зохион байгуулжээ. Цаашид Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх тус чуулганыг хоёр жил тутамд уламжлал болгон зохион байгуулах үүрэг чиглэлийг БХЯ-ны удирдлагуудад өгчээ. 




0
angry
0
care
0
haha
1
liked
0
love
0
sad
0
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
Л.Мөнхбаясгалангийн усан цэнхэр дээл эрэлттэй байна 3 цагийн өмнө
Байр суурь: Биржийн тухай хуулийг батлуулснаар нүүрсний “хулгай” зогссон 3 цагийн өмнө
УИХ-ын сонгуулийн 2-р тойрогт МАН-аас нэр дэвшигч Д.Амарбаясгалан Говь-Алтай аймгийн Цогт, Цээл суманд ажиллалаа 5 цагийн өмнө
Unread 100: Changemakers-т багтсан “Үндэсний Эвсэл”-ийн гишүүд хэн байв 8 цагийн өмнө
Ц. Жадамбааг мэтгэлцээнд бусдаасаа илүү оролцож, бодлогын чанартай зүйлс ярьсан гэж дүгнэжээ 9 цагийн өмнө
Хотын реформын автор Э.Бат-Амгалан 10 цагийн өмнө
Ховдынхныг хамгийн сайн сонсож, үгийг нь төрд дамжуулдаг гишүүн 10 цагийн өмнө
УИХ-ын ээлжит сонгуулийн бэлтгэл ажлын талаар санал солилцов 10 цагийн өмнө
Сэрэмжлүүлэг: Усархаг, дуу цахилгаантай аадар бороо орно 11 цагийн өмнө
НӨАТ-ын тохирлоос нэг иргэн супер азтан болжээ 12 цагийн өмнө
Б.Тулга: Хонгилоор чирэгдэж нэг сар хоригдоход гэр бүл минь надаас илүү шаналсан 12 цагийн өмнө
"Цагдан хоригдож байгаа иргэд оршин суугаа газраас нь хэн нэр дэвшиж байгаа талаарх ямар ч ойлголт, мэдээлэлгүй байна" 13 цагийн өмнө
''Зукерберг Монголд төрсөн бол Компьютер ланд-д компьютер форматлаад сууж байх байсан даа'' 13 цагийн өмнө
Л.Оюун-Эрдэнэ Сонгинохайрханчуудад бодлого, зорилтоо танилцууллаа 13 цагийн өмнө
ХЭҮК: Регистрийн дугаараар нь тухайн хүн хэнд санал өгснийг мэдэх боломжгүй 13 цагийн өмнө
ХҮН нам сонгуульд ялбал Т.Доржханд Ерөнхий сайд болно гэв 13 цагийн өмнө
Нойрмоглож залхав! 14 цагийн өмнө
НОБГ: Өчигдөр шөнө орсон аадраар үерийн нөхцөл байдал үүсээгүй 14 цагийн өмнө
​ ХӨГЖИЛД ХӨТЛӨХ ЗҮТГҮҮР 14 цагийн өмнө
Д.Оюунбат: Өчигдөр шөнө орсон аадраар үерийн нөхцөл байдал үүсээгүй 15 цагийн өмнө