ЦЕГ: Зам тээврийн сайд асан А.Гансүхийн гэмтлийн зэргийг тогтоохоор шинжээч томилсон

Зам тээврийн сайд асан А.Гансүхийн гэрт халдлага болсон гэх мэдээлэл цацагдсан. Тэгвэл ЦЕГ-ын ХМТ-өөс дараах мэдээллийг өглөө. 

Цагдаагийн байгууллагад 2023 оны 09 дүгээр сарын 11-ний өдрийн 09 цаг 34 минутад Хан-Уул дүүргийн 15 дугаар хорооны нутаг дэвсгэрт байрлах хотхоны тоотод “Хүн орж ирээд зодоон болоод байна” гэх дуудлага, мэдээлэл бүртгэгдсэн.

Тус дүүргийн цагдаагийн газрын Нэгдүгээр хэлтсээс шалгахад иргэн “Г”-ийн биед иргэн “И” гэгч халдсан үйлдэлд мөрдөн шалгах ажиллагаа явуулж байна.

Иргэн “Г”-г хохирогчоор тогтоон гэмтлийг тогтоолгохоор Шүүх шинжилгээний ерөнхий газарт шинжээч томилж, мөрдөн шалгах ажиллагааг үргэлжлүүлж байгаа талөөр мэдээллээ.