Н.Ариунцэцэг: Нийгмийн стресстэй холбоотойгоор зүрх, судасны өвчлөл нэмэгдэж байна

Сүүлийн үед залуусын дунд түгээмэл тохиолдох болсон зүрх судасны өвчний талаар Анагаах ухааны доктор, профессор , зөвлөх эмч Н.Ариунцэцэгээс зарим зүйлийг тодрууллаа. 

Тэрбээр "Зүрх, судасны өвчлөл залуужиж байгаа нь үнэн. Энэ нь ганцхан манай улс ч биш, дэлхий нийтэд зүрх судасны өвчний дархалт нэмэгдэж, залуужиж байна. Үүнийг дагаад зүрх, судасны өвчнөөс үүдэлтэй гэнэтийн нас баралт ихэссэн. 

Зүрх судас, цусны даралт ихсэх өвчин нь тухайн хүний тайван бус байдал, ядаргаа, нийгмийн харилцаатай ихээхэн холбоотой. Монголчуудын амьдралын түвшин ямар байгаа билээ, хүмүүсийн авч байгаа цалин нь  амьдралын олон шалтгаанаас үүдэж бухимдал, стресс ихтэй байна. Мөн ажлын ачааллаасаа болж бухимдахгүй зүйл дээр бухимдаж өөрийн эд эсээ өвчлүүлж байна. Нийгмийн харилцаанаас болж зүрх судасны өвчнөөр өвчлөгсдийн тоо нэмэгдэж байна.

Зүрх зогсохоос өмнө тухайн хүнд ямар нэгэн байдлаар мэдрэгдсэн байх ёстой. Гэнэтийн нас баралтын ард ихэвчлэн зүрхний шигдээс, тархинд цус харвасан байдаг. Хамгийн сүүлийн үеийн судалгаагаар гэнэтийн нас баралтын 85 орчим хувь нь зүрхний шигдээс болсон байдаг" гэлээ.