Баянгол дүүргийн 52 байршилд тоглоомын талбайн тохижилт хийж байна


Нийслэлийн Засаг дарга бөгөөд Улаанбаатар хотын Захирагч Д.Сумъяабазар өнөөдөр Гурван суурьт хөтөлбөрөө Баянгол дүүргийн төрийн 700 гаруй албан хаагчдад танилцууллаа.


Энэ үеэр Баянгол дүүргийн Засаг даргын орлогч Д.Жаргалсүрэн 2021-2023 онд дүүрэгтээ хийж, хэрэгжүүлсэн хөрөнгө оруулалт, бүтээн байгуулалт, тохижилт, ногоон байгууламжийн ажлуудаа тайлагнав. Тодруулбал, 2021, 2022 онд дүүргийн төв болон туслах гудамжинд нийт 29.3 км авто зам, 25,433 ам метр явган хүний зам тавьж, зөвшөөрөлгүй 1585 гарааш, төмөр чингэлэг чөлөөлөн, авто зогсоол, тохижилт, ногоон байгууламж хийжээ. Мөн дулааны шугам сүлжээг өргөтгөн, шинэчилж, хуучин орон сууцны барилгын дулаан алдагдлыг бууруулах зорилгоор дээвэр, фасадыг солин, ашиглалтын хугацаа нь дуусах дөхсөн цахилгаан шатнуудыг шинэчлэв. Түүнчлэн тоглоомын талбай, 3х3 сагсан бөмбөгийн талбай зэргийг байгуулсан юм. 2023 онд эдгээр ажлаа илүү өргөжүүлэн, 34 хорооны 83 байршилд авто зам, авто зогсоол, явган хүний зам хийхээр төлөвлөсөн бөгөөд ажил 80 хувийн гүйцэтгэлтэй өрнөж байна. Дүүргийн 26 хорооны 52 байршилд тоглоомын талбайн тохижилт хийж буй. Мөн хог тээврийн тусгай зориулалтын автомашины парк шинэчлэлд анхаарч, сургууль, цэцэрлэгийн хүртээмжийг нэмэх, гэрэлтүүлэг, камержуулалт зэргийг сайжруулахаар үе шаттай олон ажил төлөвлөн хэрэгжүүлж байгааг дүүргийн удирдлагууд онцолж байв. 

Хотын дарга ажлаа авснаас хойш хэрэгжүүлсэн бодлогын судалгаа, шийдлүүдээ танилцуулсан. Үүнээс онцлон дурдахад, сургууль, цэцэрлэгийн хүртээмжийг нэмэгдүүлэхээр цэцэрлэгийн зориулалтаар 148 барилга түрээсэлж, 20 барилга худалдан авчээ. Мөн 27 сургууль, цэцэрлэгийн барилгын ажлыг эхлүүлж, 15 цомцог /гэр/ цэцэрлэг байгуулснаа дурдав. Харин нийтийн тээврийн хүртээмжийг нэмэгдүүлэхээр 2021 оноос хойш 415 автобус шинээр оруулж ирсэн. 2023 оны эцсээр нийт 810 шинэ автобус үйлчилгээнд явах бөгөөд 2024 он гэхэд нийт 1225 автобусаар парк шинэчлэл хийх юм. Мөн хотын хэмжээнд нийтийн тээвэр хүрч үйлчилж чаддаггүй хэсгүүдэд төлөвлөлт гарган, ойролцоогоор 117 км зам шинээр тавьж, 16 чиглэлд богино эргэлт нэвтрүүлэх хэрэгтэйг Хотын дарга онцолж байлаа. Ингэснээр замын хөдөлгөөний түгжрэл зургаан хувиар буурч, автомашины дундаж хурд 11.5 км цагт хүрэх боломжтой юм.


НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
1
haha
0
liked
0
love
0
sad
0
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
Шүүх шийдвэрээ гаргахаар түр завсарлалаа 20 цагийн өмнө
Драмын театрын урд талаас Багшийн дээдийн уулзвар хүртэл дулааны шугамыг шинэчилж байна 23 цагийн өмнө
Энэ хичээлийн жилд сурагчид музей, театр үзэж, эмчийн үзлэг, гамшгийн сургалтад хамрагдана Өчигдөр
Р.Булгамаа: Эрүүгийн хэрэгт өмгөөлөгчгүйгээр орох боломжгүй, хүний хувь заяа шийдэгдэх асуудал Өчигдөр
М.Алдартуяа: Охиныхоо дэргэд уйлж, сэтгэлийг нь үймүүлчихгүй юмсан гээд бараадаад зогсож байна Өчигдөр
Н.Өнөрцэцэг: Төрийн нууцыг хадгалсан юм бол дамжуулсан эзэн нь хэн юм бэ гэдгийг мэдмээр байна Өчигдөр
Нийтийн тээврийн чиглэлд өөрчлөлт орлоо Өчигдөр
III, IV хорооллын авто замыг хаана Өчигдөр
Дахин төлөвлөсөн 290 айлын орон сууцыг энэ оны IV улиралд ашиглалтад оруулна Өчигдөр
Н.Өнөрцэцэгийн шүүх хурал өмгөөлөгчгүйгээр хоёр дахь өдрөө үргэлжилж байна Өчигдөр
“Даншиг наадам-Хүрээ цам 2024” ирэх сарын 3, 4-ний өдрүүдэд болно 2024/07/18
Өнөөдрийн байдлаар 15 төрлийн 1,2 сая цэцэг суулгажээ 2024/07/18
Төрийн албаны тусгай шалгалт өнөөдөр болно 2024/07/18
Гурван өдөр хайж байсан иргэний цогцсыг олжээ 2024/07/18
Хуурайшилтын зэрэг ихтэй зургаан аймаг байна 2024/07/18
Сэтгүүлч Н.Өнөрцэцэгийн шүүх хурал өнөөдөр болно 2024/07/18
Б.Жавхлан МҮОХ-ны "Алтан од" одон хүртлээ 2024/07/17
Н.Ариунзаяа: Допингийн сэжигтэй дөрвөн сорьцын нэрийг зарлах эрт байна 2024/07/17
Допингийн шинжилгээнээс дөрвөн сэжигтэй тохиолдол илэрчээ 2024/07/17
​ШУТИС-ийн харьяа Олон улсын инженерийн сургууль байгуулна 2024/07/17