ЭХЭМҮТ: Хордлогод орсон гэх 18 дугаар сургуулийн таван сурагч хэвтэн эмчлүүлж байна

Хан-Уул дүүргийн 18 дугаар сургуулийн "Монгол бизнес" дээд сургуулийн байранд хичээллэж байгаа VI дугаар ангийн 21 сурагч өчигдөр 16:00-17:00 цагийн үед бөөлжиж суулгасан шинж тэмдэгтэйгээр ЭХЭМҮТ-д хүргэгдсэн билээ. 

Одоогоор, таван  хүүхэд  ЭХЭМҮТ-д хэвтэн эмчлүүлж байна. Биеийн байдал нь тогтвортой, эмчийн үзлэг шинжилгээ хийгдэж байна гэсэн мэдээллийг өглөө. Хордлогын шалтгааныг тогтоохоор холбогдох албаныхан ажиллаж буй. 

Энэ талаар "Нийслэлийн Засаг даргын орлогч З.Төмөртөмөө өчигдөр хэвлэлд өгсөн мэдээлэлдээ "Ангийг нь битүүмжлээд, мэргэжлийн багийнхан шалгалт, үзлэг хийж байна. Тус хичээлийн байранд 54 хүүхэд хичээллэж байсан. Тэдгээрт бөөлжих, дотор муухайрах шинж тэмдэг илэрсэн байна. Зарим хүүхэд ЭХЭМҮТ-д хүүхэд хэвтэн эмчлүүлж байна. Үлдсэн хүүхдүүдийг нь дүүргийн эмнэлэгт эмчилж байна. Сургуулийг битүүмжлээд, баасан гарагийн хичээлийг цахимаар явуулна" гэсэн юм.