Их Британийн Эрүүл мэндийн яам цахилгаан тамхийг уламжлалт тамхинаас бага хор хөнөөлтэй хувилбар гэж дахин хүлээн зөвшөөрөв

Их Британи улс вапинг төхөөрөмжийн шинэ судалгааг гаргажээ.Дэлхийн улс орнууд цахилгаан тамхинд янз бүрээр ханддаг боловч Их Британи өөрийн байр сууриа баттай хэвээр хадгалсаар байна.

Цахилгаан тамхи болон халаадаг тамхины системийг янжуур тамхичинаас татгалзуулахад хамгийн үр нөлөөтэй аргачлалын нэг болгон авч үздэг бөгөөд, хамгийн их тамхинаас гарахад тусалдаг байна.

Никотины хэрэглээний хамгийн хортой хэлбэр бол уламжлалт янжуур тамхи юм. Энэхүү аргачлалын ачаар Их Британи улс тамхидалтын түвшнээ аль хэдийн мэдэгдэхүйц бууруулж чадсан гэж тус улс үзэж байна.

Лондонгийн “Эзэн Хааны коллеж”-ийн эрдэмтэд олон улсын судлаачидтай хамтран бэлтгэсэн тайланд дурдсанаар цахилгаан тамхи хэрэглэх нь ялангуяа тамхи татаж байгаагүй хүмүүст бүрэн эрсдэлгүй байдаг ч насанд хүрээгүй хүүхдийн хэрэглээнд хэзээнээс хатуу хяналт тавих нь зүйтэй гэж үздэг.

“Шинэ судалгаагаар цахилгаан тамхи нь уламжлалт тамхи шиг хортой биш бөгөөд тамхичдын эрүүл мэндийн эрсдлийг бууруулж чадаж байна гэж үзэж байна.”

Харин тамхичин хүн донтолтоос шууд гарч чадахгүй бол хор хөнөөл багатай тамхины тусламжтай татгалзсан нь хамгийн үр нөлөөтэй гэдгийг судалгаанд тусгасан юм.

Их Британий нийгмийн эрүүл мэндийн газраас гаргасан шинэ тайланд цахилгаан тамхи нь янжуур тамхинаас 95 хувиар хор хөнөөл багатай ба хажууд байгаа хүн дам тамхидалтад өртөх эрсдэлгүй байна гэжээ.