2024 ОНЫ ТӨСӨВ: Эс, эд, эрхтэн шилжүүлэн суулгах төвтэй болно

Ирэх онд эхлүүлэх төслөөс онцолбол  "Эс, эд, эрхтэн шилжүүлэх суулгах төв"-ийн барилгын ажил байна. 

Эрүүл мэндийн тусламж, үйлчилгээний чанар, хүртээмжийг сайжруулан иргэд эх орондоо оношлогдон, эмчлүүлэх боломжийг нэмэгдүүлж, орчин үеийн үндэсний оношилгоо, эмчилгээний төвүүдийг байгуулах томоохон зорилтын хүрээнд дэлхийн жишигт нийцсэн шинэ технологи, инноваци бүхий эс, эд, эрхтэн шилжүүлэх төвийг 

Улсын төв нэгдүгээр эмнэлгийн дэргэд байгуулахаар “Эс, эд, эрхтэн шилжүүлэн суулгах төв”-ийн бүтээн байгуулалтын санхүүжилт болох 140.0 тэрбум төгрөг,

Улаанбаатар хотын Баянгол дүүрэгт баригдах “Зүрх судасны үндэсний төв”-ийн гадна шугам сүлжээ, дэд бүтэц

Төв аймгийн Сэргэлэн суманд баригдах “Халдвар үндэсний төв-2”-ийн гадна шугам сүлжээ, дэд бүтэц нийтдээ 15.6 тэрбум төгрөгийн төсөвт өртөг бүхий 5.1 тэрбум төгрөг тус тус тусгажээ.

Мөн Зүрх судасны үндэсний төв, Халдвартын үндэсний төв-2 эмнэлгүүд баригдах юм. Нийт 15,6 тэрбум төгрөгөөр барих юм. 

Мөн хот, хөдөөгийн сэргэлтийг дэмжих зорилгын хүрээнд

• 140 сургууль барихад 361.3 тэрбум төгрөг
• 128 цэцэрлэг барихад 147.8 тэрбум төгрөг
• 65 эмнэлэг барихад 137.5 тэрбум төгрөг
• Соёлын төв, театр, музейн 51 барилгад 132.8 тэрбум төгрөг
• 36 дотуур байр барихад 43.2 тэрбум төгрөг зэргээр төсвийн төсөлд тусгасан байна.