Сайншандад алга болсон 12 настай охиныг эрэн хайх ажиллагаа үргэлжилж байна

Сайншанд суманд өчигдөр  12 настай хүүхэд сураггүй алга болсонтой холбогдуулан Аймгийн засаг дарга, хэлтсийн нийт бүрэлдэхүүнтэй өргөтгөсөн шуурхай хуралдааныг зохион байгуулж байна. 

Өнөөдрийн байдлаар охин олдоогүй байгаа бөгөөд эрэн хайх ажиллагаа үргэлжилж байгаа тул иргэдийг мөрдөн шалгах ажиллагаанд хүндрэл учруулахгүй байхыг цагдаагийн газраас уриалж байна.

Алга болсон охиныг Сайншанд сум болон 14 сумын хэмжээнд зохион байгуулж шуурхай штаб 24 цагаар ажиллах шийдвэрийг гаргасан юм.

 ЦЕГ-ын Хэвлэл, мэдээллийн төвийн ахлах мэргэжилтэн, цагдаагийн хошууч Б.Дэлгэрхангай "Тухайн аймгийн Цагдаагийн газрын даргаар ахлуулсан ажлын хэсгийн бүрэлдэхүүн болон холбогдох байгууллага хамтран тасралтгүй эрэн хайж байна. Охин гэрээсээ гараад хаашаа явсан маршутыг тогтоох ажлыг хамгийн түрүүнд хийдэг. Дорноговь аймгийн бүх сумдад эрэн хайх ажиллагаа үргэлжилж байгаа" гэв.

Охиныг харсан, үзсэн хүн байвал дараах утсанд мэдэгдэнэ үү. Холбогдох утас: 99882462, 99287632, 88663838, 85222227 (Гэрээс гарахдаа сурагчийн дүрэмт хувцас, хар цоохор куртиктэй гарсан)