Cэрэмжлүүлэг: Сонгинохайрхан дүүрэгт 2-74 насны дөрвөн иргэн угаартжээ

Өчигдөр буюу 2023 оны 10 дугаар сарын 09-ний өдөр Сонгинохайрхан дүүргийн 30 дугаар хорооны нутаг дэвсгэрт 35 настай эмэгтэй 2 настай хүүхдийн хамт, мөн 74 настай иргэн, 14 настай хүүхдийн хамт тус тус угаартсан гэх дуудлага, мэдээлэл цагдаагийн байгууллагад бүртгэгджээ. 

Иймд иргэдийг сэрүүний улирал эхэлж байгаатай холбогдуулан гэр, байшин, орон сууцныхаа агаарыг тогтмол сэлгэж, яндангаа хөөлөх, бүрэн шаталт дуустал яндангийн хаалтыг хаахгүй байх, пийшин зуухны онгорхой, цоорхой цууралтыг шалгаж бөглөх, угаарын хийн мэдрэгч суурилуулах, уг төхөөрөмжийн хэвийн ажиллагааг тогтмол шалгах, дохиоллыг салгаж унтраахгүй байх зэргээр угаарын хийд хордохоос урьдчилан сэргийлэхийг сэрэмжлүүлж байна.