ТАНИЛЦ: Монголын топ 10 их сургуулийг зарлалаа

БШУЯ-наас дотоодын дээд боловсролын байгууллагын эрэмбэ, чансааг анх удаа зарлан танилцууллаа. 

Боловсрол шинжлэх ухааны сайд Л.Энх-Амгалан "Монголын дээд боловсролын шинэчлэлийн зөвлөгөөн хийж байна. Энэ үеэр Дээд боловсролын хуулийн дагуу дээд сургуулиудын урьдчилсан эрэмбийг зарлаж байна.  Яагаад их дээд сургуулиудын эрэмбийг зарлах ёстой вэ гэхээр өнгөрсөн хугацаанд намайг ажил авахад улсын хэмжээнд 100 орчим их дээд сургууль байсан. 27 сургуулийн үйл ажиллагааг зогсоосон. Өнөөдрийн байдлаар 1286 хөтөлбөрийг цуцалсан. Их дээд сургуулиудын эрэмбээр 18 орчим их дээд сургууль чанартай боловсрол олгож  байна. Өөрөөр хэлбэл,  улсын хэмжээнд бүртгэлтэй 61 их дээд сургуулийн 50-иас дээш хувь нь сургалтын чанар хангахгүй байна. Ер нь 2025 оноос Их сургууль, коллеж гэсэн ангилалтай болно. Их дээд сургууль төгсөж буй гурван хүүхэд тутмын нэг нь ажилтай болж байна" гэв.

Энэхүү эрэмбэ нь урьдчилсан байдлаар гарсан эрэмбэ бөгөөд эцсийн дүгнэлт тавдугаар сард гарах аж.