А.Болормаа: Миний дүүгийн үхэлд цалингаа өгөхгүй дарамталдаг байсан Солонгос захирал нь буруутай, Гадаад харилцааны яам ажлаа хий

Солонгос улс руу ажиллахаар яваад гэртээ эргэж ирээгүй А.Доржсүрэн гэх залуугийн ар гэрийнхэн хоёр жил шантралгүй хөөцөлдөж байна. Талийгаач хүлэмж угсардаг ажлыг хийдэг байсан бөгөөд Солонгос захирал нь талийгаачид нийт 12 сая воннын цалинг нь өгөөгүй байжээ. Захирлаасаа цалингаа нэхэхээр зоддог байсан талаар үеэл дүү нартаа ярьж байжээ. Мөн захирал нь талийгаачийн амьдардаг гэрийнх нь хаалганы кодыг мэддэг тул өглөөд шууд гэрт нь ороод ажилдаа явья гэж хөл гар руу өшиглөж байсан талаар Солонгост тэр үед хамт амьдарч байсан ээж нь ярина. Гэтэл талийгаач гэртээ нас бараад 21 хонож байхад захирал нь нэг ч удаа очоогүй, цогцос нь танигдахын аргагүй болоод ялзарчихсан байсан талаар эгч нь ярив. Харин Шүүх шинжилгээний дүгнэлтээр талийгаачийн хүзүүний яс нь хугаралттай гэж гарсан. Гэтэл хэргийг Солонгосын Цагдаа, Прокурорын байгууллага хаасан учир ар гэрийнхэн нь гомдож байгаа. Гадаад харилцааны яамыг албан ёсоор тус улсын цагдаагийн байгууллагад хандаж энэ хэргийг дахин шалгуулж шүүхээр оруулж өгөхийг хүсч байгаа юм. 

Бичлэгээр үзэх: