О.Баттулга: Б.Чинзоригийг Үндэсний шигшээ багаас хасаад, дасгалжуулагч, эмч нарт арга хэмжээ авсан

БТСУХ-ны даргын үүргийг түр орлон гүйцэтгэгч О.Баттулга: 'Боксчин Б.Чинзоригт холбогдох шийдвэрийг Монголын боксын холбооноос гаргасан. Манайд ирүүлсэн бичигт тамирчин Б.Чинзоригийг Үндэсний шигшээ багаас хасах арга хэмжээг авсан юм билээ. Үүгээр зогсохгүй ахлах дасгалжуулагч Ж.Энхтөр, эмч Ч.Насанбат нарын цалингийн 20 хувийг гурван сараар хасах шийтгэл авсан байна. Мөн "Ханжоу 2022" Азийн наадмын үеэр допингийн төрлийн бодис илэрсэн хүндийн өргөлтийн Б.Эрдэнэзулийн тэмцээнд оролцох эрхийг дөрвөн жилийн хугацаанд хассан. Дэлхийн допингийн эсрэг байгууллагад 5,000 ам.долларыг энэ оны арваннэгдүгээр сарын 1-ний өдөр хүртэл дасгалжуулагч Ч.Март, Ч.Эрдэнэзул нар төлж барагдуулна гэсэн шийдвэрийг гаргасан".