НОГООН АВТОБУС: АТГ Д.Сумъяабазар, Ж.Сүхбаатар нараас мэдүүлэг авчээ

Ногоон автобусны хэрэгт холбогдуулан АТГ-аас Хотын дарга асан Д.Сумъяабазар, Түгжрэлийн сайд асан Ж.Сүхбаатар нараас мэдүүлэг авсан талаар эх сурвалж мэдээлж байна. Хуучин автобусыг шинэ автобус гэж Улсын төсвийн 318 тэрбум төгрөгөөр худалдан авсан уг асуудлаас болж Д.Сумъяабазар, Ж.Сүхбаатар нар үүрэгт ажлаа өгч байсан юм. Мөн уг хэрэгт холбогдуулан нэр бүхий 25 хүн яллагдагдагчаар татагдаж, нэр бүхий компанид давуу байдал олгосон нь тогтоогдоод байгаа юм.

БНСУ-ын “Daewoo” үйлдвэрийн ногоон автобусыг Улаанбаатар хотод 9 дүгээр сарын 26-ны өдөр оруулж ирсэн бөгөөд ногоон автобус нь 2023 онд биш 1993 онд үйлдвэрлэгдсэн, арлын дугаар, оныг засварлаж бүртгүүлэн хуурамч бичиг баримт үйлдсэн, нэг бүрийг нь 400 орчим сая төгрөгөөр буюу шинэ автобусны үнээр хуучныг оруулж ирсэн нь нотлогдоод байгаа юм.