Онцгой байдлынхан өвөлжөө рүү зам гаргаж, малчид өнөөдрөөс нүүж байна

Сүүлийн өдрүүдэд их хэмжээний цас орсны улмаас хүйтний эрч чангарч, тээвэрчид болон малчид төөрөх, зам даваа хаагдах хүндрэлүүд үүсэж байгаа билээ. Нөхцөл байдалтай холбогдуулан орон нутгийн иргэдэд дэмжлэг үзүүлэхээр Онцгой байдлынхан ажиллаж байна.

Урьдчилсан байдлаар 785 бог, 35 бод мал хорогдож, 170.2 сая төгрөгийн хохирол учраад байгааг мэдээллээ.Улсын онцгой комиссоос Лүн, Эрдэнэсант суманд шаардлагатай байгаа түлшний дэмжлэг үзүүлж байна.

Заригийн сурвалжлах баг Төв аймгийн Лүн суманд ажиллаж байна. Онцгой байдлынхан өвөлжөө рүү зам гаргаж, малчид өнөөдрөөс нүүж байна.

Тухайлбал, Төв аймгийн Лүн, Эрдэнэсант, Өндөрширээт болон Өвөрхангай аймгийн Хархорин, Булган аймгийн Дашинчилэн суманд цэргийн алба хаагчид цасанд боогдсон орон нутгийн замыг нээж тээвэрчдэд дэмжлэг үзүүлэх, өвөлжилт хүндэрсэн сумдын малчдыг нүүлгэн шилжүүлэх, өвс тэжээл хүргэх ажлыг 24 цагаар ажиллаж байна.