ТАНИЛЦ: Хил хамгаалах ерөнхий газрын дарга, бригадын генерал Х.Лхагвасүрэнгийн ХОМ

Цэргийн байгууллагуудын дарга нарын хөрөнгө орлогын мэдээллийг  бид цувралаар хүргэж байна. Энэ удаа ХХЕГ-ын дарга, бригадын генерал Х.Лхагвасүрэнг танилцуулна. Тэрээр 2021 оны 1 дүгээр сарын 20-ны өдрөөс Хил хамгаалах ерөнхий газрын дарга, Хилийн цэргийн командлагчаар тус тус томилогдон ажиллаж байгаа юм. Түүний нийт орлого 30 сая, гэр бүлийн гишүүдийн нийт орлого 389 сая төгрөг.

Зуслангийн байшин – 1

Хашаа байшин – 1

266 сая төгрөгийн өртөг бүхий Жийп болон туулах чадвар өндөр,Toyota, Land Cruiser 200- 1

76 сая төгрөгийн өртөг бүхий газар Эзэмших-120м2-1, Эзэмших-700м2-3

40 сая төгрөгийн үнэ бүхий Үнэт эдлэл, урлаг, түүхийн үнэт зүйл

73 сая төгрөгийн  Дотоодын банк, санхүүгийн байгууллагад байрлах хадгаламж

480 сая төгрөгийн авлага

Эрдэнэс таван толгой ХХК 1072ш хувьцаа. 

Нэмж мэдээллэхэд,  Хил хамгаалах ерөнхий газрын дарга, хилийн цэргийн командлагч, бригадын генерал Х.Лхагвасүрэнг албан тушаалаа урвуулан ашигласан, хамаарал бүхий аж ахуйн нэгждээ давуу байдал олгосон байж болзошгүй хэмээн шалгаж байсан юм. Х.Лхагвасүрэн нь уг албан тушаалд томилогдсоноосоо хойш болон түүнээс өмнө хилийн 0119 дүгээр ангийн захирагчаар ажиллаж байхдаа өөртөө, бусдад давуу байдал олгосон гэх мэдээлэл гараад байсан. Тодруулбал хилийн цэргийн офицер, ахлагч нарт зориулсан “Хилчин”, “Харуул Алтай” хотхоны барилгыг бариулахдаа өөрийн хамаарал бүхий хүмүүсийн нэр дээрх аж ахуйн нэгжтэй туслан гүйцэтгэгчийн гэрээ байгуулж, мөнгийг нь завшсан байж болзошгүй, мөн хүү Л.Түвшинбилэгийнхээ нэр дээр аж ахуйн нэгж байгуулан “Харуул Алтай” хотхоны ард талд, хилийн 0164 дүгээр ангийн биеийн тамирын талбайг татан буулгаж, хувийн сууцууд барьж борлуулсан хэмээн шалгаад байсан юм.