Одоогоос 12 жилийн өмнө Говь-Алтай аймгаас Дотоодын цэргийн 805-р ангид алба хаахаар ирсэн 20 настай С.Батбаярыг тус ангид алба хааж байсан хал цэрэг болох н.Билэгсайхан, н.Батжаргал, н.Ууганбаяр, н.Дархан нар дарамтлан зодсоноор тархиндаа хүнд гэмтэл авчээ.
Үүний улмаас бие нь муудаж эмнэлгээр олон сар явсны эцэст амиа алджээ.Тэрбээр гурван эгчтэй айлын ганц хүү байв. Гэрийнхэн нь цэрэгт явах саналыг нь тэр бүр дэмждэггүй байсан гэдэг. Талийгаач С.Батбаяр гэрийнхэндээ хэлэхдээ “Цэргийн алба хаагаад ирвэл ажилд ороход давуу тал болно, бие бялдарын хувьд тэгширч дэг журам мэддэг болно. Тиймээс хүү нь яваад ирье” гэж хэлжээ.
Гэтэл гэрийнхнийгээ цэргийн ангид нь эргэлтээр очиход мөнгө нэхдэг болж. “ХАЛ”-ууд юу л авч өг гэнэ. Хэлснийг нь аваад өгье. Мөнгө хэрэг болоод байна” хэмээн учирлан хэлж байжээ. Гэтэл “Тангаргын баяр”-таа оролцохдоо эрүүл саруул байсан талийгаач С.Батбаярын бие хэдхэн хоногийн дараа муудаж жагсаал дээрээ ухаан алдаж унадаг болсон нь тэр. Энэ байдлыг нь харсан хал цэргүүд өөрсдийн хийсэн гэм буруутай үйлдлээ нуун дарагдуулахаар санаархаж “Угаасаа унаж татдаг байсан гэж хэлээрэй” хэмээн дарамталсан гэдэг. Талийгаач бие нь муудсаар алба хаах боломжгүй болж эмнэлэгт хэвтсэн байдаг. Цэргийн ангиас алба хаах боломжгүй гэж үзэн Төрийн тусгай албан хаагчдын эмнэлэгт таван хоног хэвтэн эмчлүүлсэн. Эмнэлэг бараадсанаас хойш “сайн” гэсэн эмнэлгээр шинжилгээ өгч тархины томографикийн зураг хүртэл авахуулжээ. Шинжилгээний хариу нь “Тархины цус харвалттай” гэсэн дүнэлттэй. Энэ байдлыг туйхан үед Дотоодын цэргийн 805-р ангийн захирагчийн албан тушаал хашиж байсан хурандаа Ж.Цогтбаатарт талийгаачийн ээж Г.Өлзий хэлэхэд “Унаж татаад байвал лам бөөд үзүүл. Бөө болох гэж байгаа ч юм билүү” гэж хэлсэн байдаг. Эрүүл саруул хүү нь цэрэгт татагдаад тархиндаа хүнд гэмтэл аван эмнэлгийн хаалга татаж явахад ангийн захиарагчийн хайхрамжгүй, үл тоосон үг хэчнээн хүнд байсныг ярих ч юм биш...
Талийгаачийн биеийн байдал өдөр өнгөрөх тусам муудсаар байлаа. Тархи толгойг нь амраая. Ядаргаанд орчихсон ч юм билүү хэмээн бодож СЭМҮТ-д хэвтэн эмчлүүлэхээр болов. Горьдлого тээсэн арга мухардсан эх хүний сэтгэлийг яалтай билээ. СЭМҮТ-д хэвтэн эмчлүүлсэн ч эмчийн дүгнэлтээр Улсын нэгдсэн төв эмнэлэгт хэвтэн эмчлүүлэх шаардлагатай гэсэн хариуг авчээ.
Тухайн үед СЭМҮТ-ийн их эмч С.Байгалмаа талийгаач С.Батбаярыг эмчлэгч эмчээр хүлээн авсан юм. Тэрбээр талийгаач С.Батбаярын биеийн байдал болоод эмчилгээний талаар тухайн үед хэвлэлд өгсөн ярилцлагадаа: “2011 оны наймдугаар сарын 10нд манай эмнэлэгт ирж хэвтсэн. Ар гэрийнхний хэлж буйгаар цэргүүдэд зодуулсны улмаас бие нь муудаж, ухаан алдаж унадаг болсон гэсэн. Биеийн байдал их хүнд байсан. Шээс цусны анхны шинжилгээнээс шууд л харагдана. Манай тасаг хурцын тасаг. Сэтгэцийн хувьд нэлээд хүнд өөрчлөлттэй хүмүүс хэвтэн эмчлүүлдэг. Гэтэл С.Батбаяр манай эмнэлгээр эмчлүүлэх өвчтөн биш байсан. Тйимээс Улсын клиникийн нэгдүгээр эмнэлэгт хэвтэн эмчлүүлэх шаардлагатай гэж үзээд шилжүүлсэн”. хэмээн хэлсэн.
Мөн талийгаачийн ар гэрийнхэн “Улаанбаатар Сонгдо” эмнэлэгт Томографикийн шинжилгээ өгөхөд “Тархины цус харвалт” гэсэн оношийг эмнэлгээс өгсөн. Эмнэлгийн шинжилгээний хариу болон эмчийн тодорхойлолт гарын үсэг тамга тэмдэгтэйгээ бүгд байх нь тэр. Ингээд Талийгаач С.Батбаяр 2011 оны 8-р сарын 14нд Улсын нэгдсэн нэгдүгээр эмнэлэгт өөд болсон байдаг.
-Үхлийн шалтгаан юу байв, задлан шинжилгээний хариу-
Талийгаач С.Батбаярын бие муу олон эмнэлгээр шинжилгээ өгөхөд “Сүрьеэгийн менингит” гэдэг өвчний талаар огт сонсоогүйн дээр ямар ч шинжилгээний хариу нь сүрьегийн холбогдолтой гараагүй аж. Гэтэл шүүх эмнэлгийн задлан шинжилгээний хариугаар талийгаач С.Батбаярыг Сүрьеэгийн менингит өвчнөөр өөд болсон гэсэн дүгнэлт гарсан. Тухайн үед Шүүх эмнэлгээс томилогдсон задлан шинжилгээний шинжээч эмч Б.Ариунзул задлан шинжилгээний хариуг гаргасан байдаг.
Улаанбаатар °C 
Сэтгэгдэл (29)