ТАНИЛЦ: Засгийн газраас гаргасан шийдвэрүүд

О.Шүрэнцэцэг
2023/11/22

Засгийн газрын ээлжит бус хуралдаан 2023 оны арваннэгдүгээр сарын 22-нд болж дараах асуудлуудыг хэлэлцэн шийдвэрлэлээ.

Авлига, албан тушаалын хэргийн дагнасан шүүхтэй болно

Шүүх байгуулах тухай хуулийн шинэчилсэн найруулгын төслийг хэлэлцээд нэн яаралтай горимоор хэлэлцүүлэхээр УИХ-д өргөн барихаар тогтлоо. 
Хуулийн төсөл нь Монгол Улсын Үндсэн хуульд оруулсан нэмэлт, өөрчлөлтөд нийцүүлж шүүхийн шатлалын үндсэн тогтолцоог хөндөхгүйгээр шүүхийн харьяалал, байрших газар, зохион байгуулалтыг өөрчлөх замаар иргэний шүүхэд хандах эрхийн баталгааг хангах, иргэнд үзүүлэх шүүхийн үйлчилгээний чанар, хүртээмжийг дээшлүүлэхэд чиглэсэн бүтээмжтэй, үр нөлөөтэй анхан болон давж заалдах шатны шүүх байгуулах зорилготой юм.
Төсөлд Авлига, албан тушаалын хэргийн дагнасан шүүх байгуулна. Мөн нийслэл дэх Гэр бүл, хүүхдийн хэргийн шүүх байгуулахаар тусгалаа.
 
Төрийн худалдан авах ажиллагааны газраас 2024 онд хэрэгжүүлэх төсөл, арга хэмжээний жагсаалтыг баталлаа
Монгол Улсын 2024 оны төсвийн хөрөнгөөр төрийн худалдан авах ажиллагааны газраас хэрэгжүүлэх төсөл, арга хэмжээ, аймаг, нийслэлд эрх шилжүүлэн хэрэгжүүлэх төсөл, арга хэмжээ, Ерөнхий гэрээгээр худалдан авах бараа, үйлчилгээний жагсаалтыг Засгийн газрын өнөөдрийн хуралдаанаар баталлаа.

Төсөл, арга хэмжээ бүрийн техникийн тодорхойлолт, техник эдийн засгийн үндэслэл, зураг төсөл, ажлын даалгавар болон бусад шаардлагатай мэдээллийг төрийн худалдан авах ажиллагааны газар, аймаг, нийслэлийн Засаг даргын Тамгын газарт энэ оны арванхоёрдугаар сарын 1-ний дотор тус тус шилжүүлэхийг төсвийн ерөнхийлөн захирагч нарт даалгалаа.
Худалдан авах ажиллагааг Төрийн худалдан авах ажиллагааны цахим систем /www.tender.gov.mn/-ээр зохион байгуулж, худалдан авах ажиллагааны төлөвлөгөөнд тусгаж, тендерийн урилга, үр дүнг тухай бүр цахим системд нийтэлж байх, мөн хууль тогтоомжийн дагуу ашиг сонирхлын зөрчил, авлигаас ангид байх зарчмыг баримтлан шуурхай зохион байгуулж ажиллахыг үүрэг болголоо. 
Монгол Улсын төсвийн хөрөнгөөр хэрэгжүүлэх төсөл, арга хэмжээний жагсаалтад 2024 онд шинээр 692 төсөл, арга хэмжээ тусгагдаад буй юм.
Тендер шалгаруулалтад оролцох эрхээ хязгаарлуулсан этгээдийн бүртгэлд хамруулах хяналт, шалгалтын дүнгийн талаар Сангийн сайд Б.Жавхлан тус хуралдаанд танилцуулж, 61 компанийг бүртгэлд нэмж оруулж байгааг мэдээллээ.
 
Улаанбаатар хотод метро барих төслийн ТЭЗҮ-г боловсруулна 

Монгол Улсын хөгжлийн бодлого “Алсын хараа-2050”, “Шинэ сэргэлтийн бодлого”-ыг хэрэгжүүлэх зорилгоор Монгол Улсын нийслэл Улаанбаатар хотод их багтаамжийн нийтийн тээврийн хэрэгсэл (метро)-ийг 2024-2027 онд багтаан барьж байгуулах ажлыг шуурхай зохион байгуулахыг Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны дарга Б.Дэлгэрсайхан,  Нийслэлийн Засаг дарга бөгөөд Улаанбаатар хотын захирагч Х.Нямбаатар нарт даалгалаа. 
Нийслэл Улаанбаатар хотын Энхтайвны өргөн чөлөөг хамруулсан хөндлөн чиглэлд их багтаамжийн нийтийн тээврийн хэрэгсэл (метро)-ийг барьж байгуулах  төслийн урьдчилсан тооцоо, эх үүсвэрийн талаар судалж, шийдвэрлүүлэх саналыг 2023 онд багтаан Улсын Их Хуралд өргөн мэдүүлэхийг Засгийн газрын холбогдох гишүүдэд үүрэг болгов.

Тус төслийн техник, эдийн засгийн үндэслэл, нарийвчилсан зураг, төсөл боловсруулахад шаардлагатай  зардлыг нийслэлийн 2024 оны төсөвт тусгах юм байна.

Нийслэлийн засаг захиргаа, нутаг дэвсгэрийн нэгжийн хуваарийг шинэчлэх танилцуулга хийлээ
Нийслэлийн засаг захиргаа, нутаг дэвсгэрийн нэгжийн хуваарийг шинэчлэх асуудлаар Нийслэлийн Засаг дарга бөгөөд Улаанбаатар хотын Захирагч Х.Нямбаатарын танилцуулгыг сонслоо. Үүнтэй холбогдуулж нийслэлийн засаг захиргаа, нутаг дэвсгэрийн нэгжийн хуваарийг өөрчлөн зохион байгуулах асуудлаар холбогдох хууль тогтоомжийн төсөл боловсруулах чиг үүрэг бүхий Ажлын хэсэг байгуулж, мэргэжил арга зүйн туслалцаа үзүүлж ажиллахыг Засгийн газрын холбогдох гишүүдэд даалгалаа.   

Нийслэлийн есөн дүүрэг, 204 хорооны хуваарилалт нь хүн амын тоо, шилжилт хөдөлгөөн, төвлөрөл, эдийн засгийн чадавхи, нийгмийн дэд бүтцийн нөхцөл байдал харилцан адилгүй үзүүлэлттэй бөгөөд бүтцийн хувьд нэгж бие даан тэлж хөгжих, иргэдэд төрийн үйлчилгээг чанартай, хүртээмжтэй хүргэхэд ихээхэн хүндрэл үүсдэг байна. Нийслэл хотын засаг захиргааны нийт 213 нэгжийн үйл ажиллагаанд чиг үүргийн шинжилгээ хийж, үр дүнтэй, оновчтой засаг захиргааны нэгжийн хуваарилалт хийх зайлшгүй шаардлага үүссэн байна.
Монгол Улсын урт, дунд хугацааны хөгжлийн бодлогод нийцүүлэн төвлөрлийг сааруулах, төрийн үйлчилгээг үр дүнтэй хүргэх, эдийн засгийн хувьд бие даан хөгжих боломжийг хангахуйц засаг захиргаа, нутаг дэвсгэрийн нэгжийн хуваарилалт хийх зорилтын хүрээнд Улаанбаатар хотын хөгжлийн ерөнхий төлөвлөгөө болон хэсэгчилсэн ерөнхий төлөвлөгөө, хүн амын төвлөрөл, нийгмийн дэд бүтэц, газар зүйн байршил зэргийг харгалзан үзэж нийслэл Улаанбаатар хотын засаг захиргаа, нутаг дэвсгэрийн нэгжийг 42 нэгжид хуваан зохион байгуулах төлөвлөлтийн саналыг хот, дүүргийн удирдлагууд боловсруулжээ.


11
angry
1
care
0
haha
5
liked
3
love
5
sad
1
wow

Сэтгэгдэл (17)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
124.158.66.5
2023/11/24
0
0
Эрчим хүчний эх үүсгүүр нэмж барихгүйгээр хөгжлийн тухай мөрөөдөх хэрэггүй. Муу муухайгаараа дуудагддаг Пролитарийн удирдагчид 100 жилийн өмнө Орос орныг цахилгаанжуулах ГОЭЛРО төлөвлөгөө хийж Эрээн даавууны гэгддэг улсаа 10 гаруйхан жилийн дотор Барууны улсуудын зэрэгт хүргэж чадсан түүх бий.
Хариулах
59.153.114.9
2023/11/25
0
0
Ёстой тийм шүү.
Хариулах
202.55.188.43
2023/11/25
0
0
Яг тийм
Хариулах
103.57.95.66
2023/11/25
0
0
Яг зөв
Хариулах
2405:5700:300:8b4b:95ae:a83e:a1f9:9717
2023/11/23
0
0
Эдгээр их ажлуудыг хийхэд мэдээж их хугацаа шаардлагатай. Биелэвэл ч маш их ач холбогдол өгнө.дөө. Ард олон харлуулж хушуугаа нэмэлгүйл байгаасай.
Хариулах
202.9.46.101
2023/11/23
3
0
Хотын даргаа нийслэлчүүд бид сонгодог хуультай болохыг хүснэ. Түгжрэл хэдэн гүүрэн зам, явган хүний гүүрэн гарц хийчих сэтгэлтэй даргатай болох уу.
Хариулах
59.153.114.9
2023/11/25
0
0
Дэмжиж бна.
Хариулах
2405:5700:310:70f8:7dda:abc6:4514:5387
2023/11/23
0
0
5-р цахилгаан стөнц барина, Парламентийн ордон барина г.м яригдсан зүйл нь үлгэр болсонтой адил метро барих ажлаа үлгэр болгов доо.
Хариулах
202.179.21.247
2023/11/23
1
0
Ард түмэн чинь мал биш ээ одоо МАН ын гөлөгнүүдэд хууртахаа больсон юу амлаад хэрэггүй ээ Би МАН ын гишүүн одоо болно та нар минь
Хариулах
64.119.30.39
2023/11/23
0
3
Шинээр шүүх байгуулах шаардлага байхгүй ээ.Олон байгууллага байгуулж төсвийн мөнгө үрж байхаар шүүх дотроо л зохион байгуулалтаа хийгээч
Хариулах
66.181.160.5
2023/11/24
0
0
Шүүх нэмэх шаардлагагүй.
Хариулах
202.9.40.65
2023/11/24
0
0
Шийдвэрлэлт нь хурдсах биш үү Дангаараа байвал ажиллагаа нь саатахгүй, худал хэлж хойшлуулаад байхгүй болох байх
Хариулах
202.131.225.242
2023/11/23
0
0
Амгалан яармаг биш 7 буудал яармаг гээч ээ!!
Хариулах
2405:5700:310:70f8:7dda:abc6:4514:5387
2023/11/23
0
0
Амгалан яармаг байж болно. Дараа нь Хотын төвөөс таван шар, хотын төвөөс 7 буудал гээд сунгаад явна.
Хариулах
103.140.11.88
2023/11/23
0
0
Харалган төр юм аа
Хариулах
103.140.11.88
2023/11/23
1
1
Утаанаас салах талаар ер хэлэлцэхгүй хөгжил,хөгжил гэсээр байгаад хөгжилөө харалгүй бүгд хорт хавдараар үхэж дуусах юм байна даа
Хариулах
103.57.95.66
2023/11/25
0
0
Утаанаас бүгд өвчтэй болж байнадаа гарц гаргалгаа нь байгаад байхын утааг шатаадаг зуух цахилгаан халаалт гэх мэтээр шийдэж болохгүй байгаа юм болуж
Хариулах
Шинэ мэдээ
Л.Гантөмөр: Энэ удаагийн сонгуулиас Монголын ирээдүй шууд хамаарна 5 цагийн өмнө
Л.Оюун-Эрдэнэ: Англи хэлийг албан ёсны хоёр дахь хэл болгох ажлыг Г.Дамдинням зориг гарган манлайлсан 5 цагийн өмнө
М.Бадарч: Цол, чимгээ нөхөж авч байгаа бөхчүүддээ баяр хүргэе, би допинг хэрэглээгүй учраас эцсийг нь хүртэл явна 5 цагийн өмнө
Өргөө кино театраас 3,4-р хорооллын эцэс хүртэлх замын хөдөлгөөнийг нээжээ 5 цагийн өмнө
Дарь-Эхчүүд МАН-аас нэр дэвшигчдийг багаар нь дэмжиж байна 5 цагийн өмнө
Л.Оюун-Эрдэнэ: О.Батнайрамдалыг сонгох та бүхний сонголт мянга, мянган залуусыг эх орондоо дуудах уухайн түрлэг байх юм шүү 6 цагийн өмнө
Түүнд туулах ёстой урт зам бий 7 цагийн өмнө
“Эрэл групп”-ийн зүүн талаар өнгөрөх авто замын хөдөлгөөнийг нээлээ 7 цагийн өмнө
Өвөрхангай аймгийн Сант сумын АН-ын дарга бусдын гарт амиа алджээ 7 цагийн өмнө
Баянголчууд ардчилсан намын нэр дэвшигчдийг багаар нь дэмжинэ 7 цагийн өмнө
ҮНДЭСНИЙ ЭВСЭЛ: Татварыг дээрэм биш, дэмжлэг болгоно 10 цагийн өмнө
“Шинэ хоршоо” хөдөлгөөний хүрээнд 3778 хоршоо байгуулагдаж, 38464 малчин хоршоонд нэгдлээ 21 цагийн өмнө
Н.Номтойбаяр: Авлигатай тэмцэнэ гэдэг Ардын намтай тэмцэнэ гэсэн үг 22 цагийн өмнө
Б.Тулга: Төвийн бүс нь Монгол Улсын хүнсний хэрэгцээг хангах стратегийн ач холбогдолтой 23 цагийн өмнө
Ц.Баатархүү: МАН тасралтгүй 8 жил засаглахдаа хотын түгжрэлийг бууруулах нэг ч шийдэл гаргаагүй 23 цагийн өмнө
Ц.Эрдэнэбат: Технологийн шийдлийг нэвтрүүлэхэд улс төрийн манлайлал, эр зориг хэрэгтэй 23 цагийн өмнө
Би яагаад нэр дэвших болов?  23 цагийн өмнө
Тэтгэвэр, тэтгэмжийн хагас хуримтлалын тогтолцоонд шилжүүлнэ Өчигдөр
Г.Дамдинням: Дархан, Сэлэнгэ, Төв аймаг үйлдвэрлэл, хөдөө аж ахуйн төв болно Өчигдөр
ҮНДЭСНИЙ ЭВСЭЛ: Ухаалаг хотын цогц, шинэ төлөвлөлтийг хэрэгжүүлнэ Өчигдөр