Ноолуурын боловсруулалт , худалдаанд мөрдөх техникийн зохицуулалтыг хэрэгжүүлэхийг дэмжлээ

О.Шүрэнцэцэг
2023/11/29

Үйлдвэржилтийн бодлогын байнгын хорооны 2023 оны 06 дугаар тогтоолоор “Монгол Улсын Их Хурлын 2022 оны 19 дүгээр тогтоолын хэрэгжилт болон ноос, ноолуурын боловсруулалтын талаар хяналт, шалгалт хийж, холбогдох санал, дүгнэлт гаргах, шийдвэрийн төсөл боловсруулах үүрэг бүхий ажлын хэсэг байгуулагдаж, Улаанбаатар хотод байрлах 45 үйлдвэр, орон нутагт байрлах 5 хялгас ялгах үйлдвэрийн үйл ажиллагаатай танилцаж, судалгаа, мэдээлэл авч, үнэлэлт дүгнэлт өгч ажиллав.

Тус ажлын хэсгийг Улсын Их Хурлын Гишүүн Ж.Батжаргал, Дэд ажлын хэсгийг Хүнс, хөдөө аж ахуй, хөнгөн үйлдвэрийн яамны дэд сайд М.Ганхүлэг нар тус тус ахалж, ажлын хэсэгт Монгол Улсын Их Хурлын Тамгын газар, Эдийн засаг, хөгжлийн яам, Хүнс, хөдөө аж ахуй, хөнгөн үйлдвэрийн яам, Засгийн газрын хяналт хэрэгжүүлэх газар, Стандарт, хэмжил зүйн газар, “Хөдөө аж ахуйн бирж” ТӨХХК, Монголын ноос, ноолуурын холбоо,  ШУТИС-ийн Үйлдвэрлэлийн технологийн сургууль, Монгол Солонгосын политехникийн коллеж зэрэг байгууллагуудын төлөөлөл 3 багт хуваагдан үйлдвэрүүдэд ажиллалаа.


Ажлын хэсгийн судалгааны дүнгээр Улаанбаатар хотод байрлах нэр бүхий 45 хялгас ялгах үйлдвэрт 11,294 тонн, Говьсүмбэр, Өвөрхангай, Баян-Өлгий, Орхон, Төв аймгуудад байрлах 5 хялгас ялгах үйлдвэрт 670 тонн, нийтдээ 11,965 тонн хялгасыг нь ялгасан түүхий эд гаргах хүчин чадал суурилагдсан байна.

Монгол Улсын Их Хурлын 2022 оны 19 дүгээр тогтоол, Засгийн газрын 2022 оны 380 дугаар тогтоол батлагдсантай холбогдуулан 2022, 2023 онуудад нийт 15 үйлдвэрт 4,163 тонн хялгас ялгах хүчин чадал нэмж суурилагдсан байна. Үүнээс 2022 онд 3 үйлдвэрт 297 тонн, 2023 онд 12 үйлдвэрт 3,866 тонн самнасан ноолуур гаргах хүчин чадал суурилагджээ.

УБ хотод байрлах 45, орон нутагт байрлах 5, нийт 50 хялгас ялгах үйлдвэрт 11,964 тн хялгасыг нь ялгасан түүхий эд гаргах хүчин чадал суурилагдсанаас 8,530 тн самнасан ноолуурыг гаргах боломжит хүчин чадал байна. Боломжит хүчин чадлыг түүхий ноолуурт шилжүүлж тооцвол 17,060 тн түүхий ноолуурыг самнах боломжтой байна.

Иймд ноолуурын хялгас ялгах үйлдвэрүүдийн хүчин чадал хангалттай түвшинд хүрсэн учраас Засгийн газрын 2023 оны 380 дугаар тогтоолоор баталсан техникийн зохицуулалтыг заасан хугацаанд хэрэгжүүлэх нь боломжтойг ажлын хэсэг дүгнэсэн.

Тус ажлын хэсгийн судалгаа, дүгнэлтийг Монгол Улсын Их Хурлын Үйлдвэржилтийн бодлогын байнгын хорооны хуралдаанаар 2023 оны 11 дүгээр сарын 29-ний өдөр хэлэлцэж, ноолуурын салбарын боловсруулалтын түвшинг үе шаттайгаар нэмэгдүүлэх, Улсын Их Хурлын 2022 оны 19 дүгээр тогтоол, Засгийн газрын 2022 оны 380 дугаар тогтоолыг хэрэгжилтийг хангаж, ноолуурын техникийн зохицуулалтыг заасан хугацаанд хэрэгжүүлж ажиллахыг дэмжлээ.




0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Б.Булган: Анх удаа байранд амьдрах гэж байна, биднийг түшиж өгсөн ард түмэндээ маш их баярлалаа 1 цагийн өмнө
Энэ арав хоногт цаг агаар ямар байх вэ 1 цагийн өмнө
Нийтийн тээврийн үйлчилгээнд шинэ чиглэл нэмэгдлээ 2 цагийн өмнө
Зарим нутгаар хүчтэй салхи, шороон шуургатай байхыг анхааруулж байна 2 цагийн өмнө
Наадмын нээлт, хаалтын ёслолыг Ц.Батнайрамдал найруулна 13 цагийн өмнө
Д.Ганбат: МАН-ын нэр хүнд унаад дууслаа, олны танилуудаар сурталчлуулаад ч фенүүд нь хүлээж авахгүй байна 17 цагийн өмнө
Н.Ганибал: “Ногоон автобус”-ны сонсгол хойшлогдсон, тавдугаар сард болно 17 цагийн өмнө
Барилгын түр хашааны стандартын шаардлага хангаагүй зөрчлийг арилгалаа 17 цагийн өмнө
Лу.Гантөмөр: О.Батнайрамдал гэж нусан буу надтай яаж өрсөлдөх юм бэ? 18 цагийн өмнө
О.Цогтгэрэл: С.Зориг агсны амиа алдсан хэрэг хаалттай байх тусам нэг улс төрийн хүчинд ашигтай байдаг 18 цагийн өмнө
Д.Ганбат: Б.Булган манай намын бэлэг тэмдэг болсон Э.Бат-Үүлийг заналхийлсэн 18 цагийн өмнө
Зудын хор уршгийг арилгахаар 120 гаруй цэргийн алба хаагч орон нутгийг зорьжээ 19 цагийн өмнө
ЭЕШ-ын бүртгэл баасан гарагт дуусна 19 цагийн өмнө
“Сөүл” рестораны эзэмшлийн газраа хэтрүүлэн хашаалсан зөрчлийг арилгуулна 19 цагийн өмнө
АН-ын бүлэг: С.Зориг агсны хэргийн бүх материалыг нээлттэй болгохыг шаардаж байна 20 цагийн өмнө
“Монгол Улс-Ардчиллын баян бүрд”  сэдвээр ярилцана 20 цагийн өмнө
“Mongol Made” ноосон бүтээгдэхүүнээр олон улсад гарна 21 цагийн өмнө
Аялал жуулчлалын үйлчилгээ үзүүлэгч 60 гаруй байгууллага нэгдэн Тэрэлжийг цэвэрлэж, 40 тонн хог түүжээ 21 цагийн өмнө
Бие даан нэр дэвшигчдийн мөрийн хөтөлбөрийг хүлээн авч эхэллээ 22 цагийн өмнө
О.Батнайрамдал: БЗС-гаас зээл авсан албан тушаалтнууд өрөө төлж, сонгуульд нэр дэвшинэ шүү 22 цагийн өмнө