Хураалтад анхаарах технологийн зөвлөмж

О.Шүрэнцэцэг
2023/09/28

 Энэ сарын сүүлийн 10 хоногт үргэлжлэн орсон их хэмжээний бороо, нойтон цас орсон нь ургац хураалтад сөрөг нөлөө үзүүлж байгаа тул ангилан хадсан болон босоо үр тариаг хураах дараах технологийн зөвлөмжийг Дархан-Уул аймаг дахь Ургамал газар тариалангийн хүрээлэнгээс өгч байна.


 

1. Ангилан хадсан үр тариаг хураах.
Бороонд норсон тариа нь мөд хатахгүй, улмаар мөрөн дээрээ үр нь ургах, үрийн цавуулаг буурах сөрөг нөлөө илрэх тул хадсан мөрийг яаралтай эргүүлэх арга хэмжээ авах нь зүйтэй. Мөр эргүүлэх хамгийн энгийн бүтээмжтэй арга нь наран тармуураар мөрний иш талаас нь дагуулан явж эргүүлэх, гэхдээ борооноос хойш 2 хоногийн дараа явуулахад илүү үр дүнтэй. Ингэсэн нөхцөлд мөрний дээрх хэсэг тариа сэвэрсэн байхын дээр эргүүлсэн мөр нь илүү хуурай талбайд шилжих тул мөрлөсөн тариа сэврэх, хатах нь илүү дөхөмтэй болно.


2. Босоо үр тариа хураах.
Өнөөгийн байдлаар болцын хувьд 2 хэв шинжийн талбай байна. Босоо тариа бүхий талбайг аль болох эрт захалгаа хийх, зарим том талбайд зурвас гарган хадах замаар салхилуулах нь тарианы болцод маш нөлөөтэйн дээр захалгаа нь үтрэм дээрх хог ургамлаас цэвэрлэх ажиллагааг хөнгөвчлөх арга болдог.
А. Хэвийн ургалттай үр тариаг хураах:
Ийм тариаг цаг агаарын байдал, хураах техник болон үтрэмийн талбайн багтаамж хураасан будааг цэвэрлэх, сэлгэх техник тоног төхөөрөмжийн хүчин чадалд тулгуурлан тооцоолж бороо өнгөрч хатсаны дараа шууд хураахаар төлөвлөх.
Б. Технологийн алдаатай үр тариаг хураах:
Сортын сонголт, тарих хугацаа, тарьсан гүн зэргээс шалтгаалан болц оройтсон, эсвэл намрын борооноор шинээр сэргэн ургасан /подгон/, оройтож буталсан тариан талбайг хураахад техникийн боломж цаг агаарын төлөвийг харгалзан 2 аргаар хураахыг зөвлөж байна.
Ангилан хадах. Цаг агаарын ойрын хугацааны мэдээллээс үзвэл 9-р сарын 27, 28 өдрөөс эхлэн ангилж үрийн чийгийн байдлыг харгалзан 5-8 хоногийн дараа цайруулалт хийхээр техник, үтрэм, хүн хүчний зохион байгуулалт хийх.
Болц түргэтгэх.
Химийн аргаар ногоон тариаг үхүүлэх замаар хураах нөхцөл бүрдүүлэх ажиллагаа юм. Үүний тулд Глюфосат, Суховей, Дикват зэрэг бодисыг ашиглаж болно.
Глюфосатыг 1-2 л/га тунгаар шүршихэд 14 хоногийн дараа чийгийг 14 хувь, 21 хоногийн дараа 19.2 хувиар тус тус бууруулсан.
Үрийн чийг 30 хувиас ихгүй үед Суховей, Дикват бодисыг 1.5-2.0 л/га нормоор шүршихэд чийгийг 10-14 хоногт 7.5-11.6 хувиар бууруулж, хураах хугацааг 10-14 хоногоор урагшлуулна.

3. Налсан үр тариаг хураах.

Тариа налах нь сортын сонголт, тарьсан хугацаа, байгалийн хүчин зүйл /хүчтэй салхитай бороо нойтон цас/ зэргээс шалтгаалдаг. Ийм тариаг хураахдаа тарианы налалтын хэмжээнээс шалтгаалан тарианы налсан талаас сөргүүлэн хураах /энэ нь талбайд нэг талдаа сул явах тул тийм хүсэх зүйл биш/, бага зэрэг налсан нөхцөлд налалтын хөндлөн чиглэл хураах. Мөн комбайны жатканд нэмэлт төхөөрөмж тавих хэрэгтэй.

Иш өргөгчөөр тоноглох.
Энэ нь бэхэлдэг нэмэлт төхөөрөмж бөгөөд налсан тариаг газраас хөндийрүүлэн мотовилд ойртуулах, ингэснээр хаягдал багатай хадах нөхцөлийг бүрдүүлдэг. Хэрээ хошууны оронд жатканд бэхэлнэ.

Морозовын соёо ашиглах.
Энэ нь жатканы мотовилын хурууг уртасгаж буудайн хэвтсэн ишийг босгож хадах аппаратад дөхүүлэн хаягдал багасгах нэмэлт төхөөрөмж болно.




0
angry
0
care
0
haha
0
liked
0
love
0
sad
0
wow

Сэтгэгдэл

Zarig.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
Шинэ мэдээ
​ “Юм үнэнээрээ байх сайхан” 1 цагийн өмнө
Монгол тархи Монголоо аварна 3 цагийн өмнө
"Darkhan united arena" орон нутаг дахь хамгийн том спорт цогцолбор нээлтээ хийлээ 5 цагийн өмнө
Монгол орны өнцөг булан бүрт хүрэх хаанаас ч ойрхон “ХУРДАН” цэг 8 цагийн өмнө
Сонгинохайрхан дүүрэгт үерийн эрсдэлээс урьдчилан сэргийлэх хариу арга хэмжээ авч байна 8 цагийн өмнө
Нийслэлийн МАН-ын хорооноос орон нутгийн сонгуулийн мөрийн хөтөлбөрөө хүлээлгэн өглөө 9 цагийн өмнө
Нарны хорооллын 6-р байрны оршин суугчид ГЭРТЭЭ усанд автав 10 цагийн өмнө
Дунд голын төгсгөлд зөвшөөрөлгүй барьсан түр замыг сэтэллээ 10 цагийн өмнө
Монполимет группийн дансыг хааж үйл ажиллагааг нь зогсоосонтой холбоотойгоор ажилчид нь тайван жагсаал хийж байна 10 цагийн өмнө
Нийт 24 дуудлага, мэдээллийн дагуу ажиллаж, 4800 орчим усыг сорууллаа 10 цагийн өмнө
Ерөнхий сайд Л.Оюун-Эрдэнэ хамгийн зөрүүд улстөрчийг нэрлэв 13 цагийн өмнө
Ховд аймгийн 1996 оны төгсөлтийнхөн З.Мэндсайханыг дэмжиж, сонгохоо хэллээ 13 цагийн өмнө
​Улаанбаатарын зарим хэсгээр цас орж байна 14 цагийн өмнө
Гадаад дахь монголчуудын санал хураалт үргэлжилж байна 14 цагийн өмнө
Баянзүрх, Сүхбаатар, Хан-Уул дүүргүүд үерийн хамгийн өндөр эрсдэлтэй байна 15 цагийн өмнө
Үзэл санааны улс төр ба Ч.Өнөрбаяр 15 цагийн өмнө
МАН-ын нэр дэвшигчдийн эсрэг АН-ын “ЗӨВ ЗУРГАА” өрсөлдөж байна 15 цагийн өмнө
Хог дээр хаягддаг малын арьс ширийг Ховдод боловсруулдаг болно 15 цагийн өмнө
С.Амарсайхан: Сонгууль болдгоороо болоод дуусна, төрийн байгууллагууд бэлэн байдлаа ханга 15 цагийн өмнө
Иргэдийн аюулгүй байдлыг хангаж, бэлэн байдалд ажиллаж байна 16 цагийн өмнө