Нүүрсний сонсголын хоёр дахь үе өнөөдөр эхэлнэ

О.Шүрэнцэцэг

2023/12/18

Улсын Их Хурлын 2023 оны 07 дугаар сарын 06-ны өдрийн 63 дугаар тогтоолоор байгуулагдсан “Төрийн болон орон нутгийн өмчит, өмчийн оролцоотой зарим компаниудын нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа, ажил, үйлчилгээ худалдан авалтын үйл ажиллагаанд хяналт шалгалт хийх, нотлох баримтыг шинжлэн судлах нээлттэй сонсгол зохион байгуулах, иргэд, олон нийтийг мэдээллээр хангах, хяналт шалгалтын тайланг Улсын Их Хурлын 2023 оны намрын ээлжит чуулганы хугацаанд багтаан танилцуулах” үүрэг бүхий Хянан шалгах түр хорооноос зохион байгуулж буй нотлох баримтыг шинжлэн судлах нээлттэй сонсголын хоёр дахь үе шат өнөөдөр (2023.12.18) эхэлнэ.

Сонсголын хоёр дахь үе шат 2023 оны арван хоёрдугаар сарын 18-ны өдөр эхэлж, таван өдөр үргэлжилнэ. Энэ удаа “Эрдэнэс Тавантолгой” ХК-ийн нийт борлуулалт, экспортын үйл ажиллагаа; “Эрдэнэс Тавантолгой” ХК-ийн тээвэрлэлтийн үйл ажиллагаа; “Эрдэнэс Тавантолгой” ХК-ийн охин болон хараат компаниудад оруулсан хөрөнгө оруулалт, тэдгээрийн хэрэгжилт; “Эрдэнэс Тавантолгой” ХК-ийн санхүүжүүлсэн бусад төслүүд; “Эрдэнэс Тавантолгой” ХК-д эрх бүхий байгууллагаас хийсэн хяналт, шалгалтууд, тэдгээрийн үр дүнгийн дагуу авсан арга хэмжээ; Хяналт, шалгалтаар илэрсэн бусад асуудал зэрэг 6 асуудлын хүрээнд нотлох баримтуудыг шинжлэн судалж, нээлттэй сонсгол үргэлжилнэ.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.161.238

2023/12/19

Энхбаяраа хүний өөрийн нам гэлтгүй бүгдийг нь Өнөрөө шиг үтэр түргэн барьж хориод шалгахгүй бол гараад зугтаад байна гарсан нь ирэхгүй байна элбэгдоржоос авхуулаад наад сонсгол чинь юу болоод байгаан бүгд л чамайг загнаастай томроостой тэр Батдаваа чинь нөгөө 250000.н доллар сүртэй их мөнгө биш гэж томордог хулгайч луйварчин мөн биз дээ

Хариулах

66.181.160.125

2023/12/18

сү батболд хаянхирваагийн чалкогийн гэрээнээс эхлээд 2017 онд хүүрэнсүгийн томилсон сүрхий тавантолгойн удирдлагын бага гээд бүгд МАН хулгайчууд л байгаа шүүдээ. 16000 мянган машин хилээр хоосон гарсан гэдэг бүртгэлийг МАН-ы засгийн бүх гишүүд холбогдож байж л хийнэ. уурхайгаас 50 60 -р аваад хил гаргаад 300 400 доллар болгож зардаг оффтек гэрээг хүрэлбаатар гээч хулгайч хийсэн шүүдээ. нүүрсний хулгайг МАН хулгайчууд л хийсэн бусдад наах гээд ч боломжгүй.

Хариулах