Ардчилсан Эмэгтэйчүүдийн Холбоо​ноос Ерөнхий сайдад шаардлага хүргүүллээ

О.Шүрэнцэцэг
2023/12/18

              Ардчилсан Эмэгтэйчүүдийн Холбооноос МАН-ын дарга, Монгол Улсын Ерөнхий сайд    Л.Оюун-Эрдэнэ-д  шаардлага хүргүүллээ.

  МАН-ын Засгийн газар, Нийслэлийн удирдлагын хариуцлагагүй үйл ажиллагаа, олон удаагийн алдаатай шийдвэрүүд иргэдийн амьжиргаа, аюулгүй байдал, эрүүл мэнд, ирээдүйд аюул занал учруулсаар байна. Эрх баригчид эрчим хүч, шатахууны хомсдол, агаар, хөрсний бохирдол, замын түгжрэл, нийтийн тээврийн хүртээмж, төрийн үйлчилгээний доголдол, боловсрол, эрүүл мэндийн салбарын уналт зэрэг төрийн бодлогоос шууд хамааралтай нийгмийн тулгамдсан асуудлуудыг шийдвэрлэх чадвар, чадамжгүй болох нь нотлогдлоо. Төрийн дарамт, төсвийн хулгай хэрээс хэтэрснээр ардчилсан тогтолцоо, чөлөөт эдийн засаг зэрэг Үндсэн хуулиар баталгаажсан Монголчуудын суурь үнэт зүйлст заналхийлж, төрд итгэх итгэлийг үгүй хийж байна.

    Түүнчлэн, 2023 оны 12 дугаар сарын 17-ны өдрийн гэнэтийн шийдвэрүүд хүүхдүүдийн сурч, боловсрох эрхэд халдаж, эрсдэлд оруулаад зогсохгүй эцэг, эхчүүдийн ажиллаж, хөдөлмөрлөх боломжийг боомилж, гэр бүлийн орон зайд хүртэл сөргөөр нөлөөлөх үр дагавартай байна. Тухайлбал, ерөнхий боловсролын сургуулийн танхимын хичээл, сургалтыг зайн, цахим хэлбэрээр зохион байгуулах тухай Боловсрол, шинжлэх ухааны сайдын тушаал нь цаг хугацааны хувьд бэлтгэл хангах боломжгүй, сурагчдын болон багш, сурган хүмүүжүүлэгч, эцэг эхчүүдийн хэрэгцээг уландаа гишгэсэн шийдвэр боллоо.

     Нэгдүгээрт, хэдхэн хоногийн өмнө зарлагдсан сурлагын амжилтын олон улсын үнэлгээ (PISA)-гээр монгол хүүхдүүд мэдлэг, чадварын хувьд бусад улс орнуудтай харьцуулбал 2.5 жилийн хоцрогдолтой гэж гарсан. Цахим сургалтын хүртээмж, чанар хангалтгүй байгаа талаар олон судалгаанууд хийгдсэн байдаг. Гэтэл боловсролын салбарын хоцрогдлыг нөхөх, чанарын үзүүлэлтүүдээ сайжруулах чиглэлд бодлого боловсруулах үүрэгтэй сайд хоцрогдлыг ийнхүү улам бүр даамжруулах шийдвэр гаргасанд харамсаж байна.

    Хоёрдугаарт, гэнэт зарлагдсан шийдвэрийн улмаас хүүхдүүд хараа хяналтгүй орхигдох, ахуйн орчинд гэмтэж, бэртэх, хүчирхийлэлд өртөх зэрэг олон эрсдэл бий болох магадлалтай байна. Цар тахлын хөл хорионы үед ахуйн хүрээний осолд өртөж, бэртэж гэмтсэн хүүхдийн тоо эрс нэмэгдсэн байдаг. Тиймээс цар тахлын бус үед хүүхдүүдийг нэмэлт эрсдэлд оруулахгүй байх нь чухал юм.

    Гуравдугаарт, цахим сургалтад шилжих, дугаарын хязгаарлалтыг тэлэх зэрэг цочир шийдвэрүүд иргэдийн ажиллаж, хөдөлмөрлөх эрхэд халдсан үйлдэл болж байна. Энэ нь нэн ялангуяа залуу гэр бүлүүдэд, тэр дундаа эмэгтэйчүүдэд маш хүндээр тусдаг. Сургууль, цэцэрлэгийн хүртээмжгүй байдал, цар тахлын хөл хорионы улмаас бага насны хүүхдүүдтэй ээжүүд албан ёсны хөдөлмөр эрхлэлтээс шахагдан, эмэгтэйчүүдийн ажиллах хүчний оролцооны түвшин жил бүр буурсаар байна. Энэ нь урт хугацаанд эмэгтэйчүүдийн эдийн засгийн чадавх, нийгмийн идэвх, оролцоонд сөргөөр нөлөөлдөг, хортой үзэгдэл юм.

 Тиймээс, иргэдийн амьдрал ахуйд хүндрэл учруулах эдгээр шийдвэрүүдээ залруулж, урт хугацааны бодлого танилцуулахыг МАН-ын дарга, Монгол Улсын Ерөнхий сайд    Л.Оюун-Эрдэнэ танаас шаардаж байна.

                                           Ардчилсан Эмэгтэйчүүдийн Холбоо

                                                                     2023.12.18



3
angry
1
care
3
haha
7
liked
0
love
1
sad
2
wow

Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2405:5700:301:6853:82b2:d153:d464:81fe
2023/12/19
0
0
Ардчилсан залуучууд, эмэгтэйчүүд л гэнэ.Тоохоо байгаад байхад худлаа ч болсон дуугарч байсан нь уг зөвлөдөг. Гэлээ ч тоохгүй ээ.
Хариулах
2405:5700:310:42cc:2130:5ef6:24d6:e328
2023/12/18
0
0
zuv. sorog huchin bol ingeed dugarj bai
Хариулах
59.153.86.80
2023/12/18
0
0
Hudlaa bitgii show hiigeed bai ta nariig hen ch toohgui
Хариулах
202.9.46.45
2023/12/18
0
0
Муу шуналтай эмсүүд
Хариулах
Шинэ мэдээ
Малчид, иргэд, тээвэрчдийн анхааралд 29 минутын өмнө
Бие даан нэр дэвшигч 77 иргэн мөрийн хөтөлбөрөө хянуулахаар илгээжээ 1 цагийн өмнө
Алба хаагчдын хувцас хэрэглэл, техникт 25 тэрбум төгрөг зарцуулна 1 цагийн өмнө
Үйл явдал: Гурилын үнийн талаар мэдээлнэ 1 цагийн өмнө
Сонсголонгийн гүүрийн нэг талын чиглэлийг түр хугацаагаар хаалаа 1 цагийн өмнө
Нийслэлд 6 градус дулаан байна 2 цагийн өмнө
Н.Алтаншагай: Монголын хүүхэд, залуучуудын оюуны хөгжлийг дэмжих, гоо зүйн боловсрол олгох нөхцөл бүрдлээ 14 цагийн өмнө
“Талын Монгол” өдөрлөг хоёр дахь жилдээ хэрэглэгчдэд зах зээлийн хамгийн ДООД ҮНЭЭР бэлэг барина 16 цагийн өмнө
Эрдмийн ундраа 77-р сургуулийн төгсөх ангийн сурагчид хорт хавдартай хүүхдүүдийн тасгийг тохижуулжээ 16 цагийн өмнө
Х.Нямбаатар: Өчигдөр шатсан автобус 10 сард хугацаа нь дуусах байсан, трамбайг нэвтрүүлэхээр судалж байна 17 цагийн өмнө
Х.Нямбаатар: Цагаан хад орчмыг тосгон болгоно 17 цагийн өмнө
Танилц: ЗГ-ын хуралдаанаас гаргасан шийдвэрүүд 18 цагийн өмнө
Баянхөндий төслийн хүрээнд Баянхонгорын 120 залуус нарийн мэргэжил эзэмшиж, ажлын байраар хангагджээ 18 цагийн өмнө
Хүүхэд залуучуудын театр 27 жилийн дараа эргэн ирлээ 18 цагийн өмнө
Э.Төмөрбаатар: Ази-европыг холбох эдийн засгийн коридор нь зүүн бүс 18 цагийн өмнө
Б.Баттөмөр: Ард түмэн жинхэнэ баялгийнхаа эзэн болох хууль эрх зүй нь бүрдлээ 18 цагийн өмнө
Х.Ганхуяг: УИХ-ын гишүүдийн хэн нь лоббид орсныг Банкны хуулиас хараарай, Монгол банкны Ерөнхийлөгч ажлаа хийж чадахгүй байна 19 цагийн өмнө
С.Амарсайхан: Дэлбэрэлтэд өртсөн 207-р байрыг ашиглах боломжгүй гэх дүгнэлт гарсан 19 цагийн өмнө
С.Амарсайхан: ОБГ-ын аврагчдын гал унтраахад хэрэглэдэг дрон, робот зэргийг шинэчлэхэд 25 тэрбум төгрөг зарцуулна 19 цагийн өмнө
Л.Батжав: Гэмт хэргийн хохирогчид бодит хохирлоо гаргуулахаас гадна сэтгэцэд учирсан хор хохирлын зэрэг тогтоолгож, шүүхээр нэхэмжлэх эрхтэй 20 цагийн өмнө